Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

JW BROADCASTING

Pagtan-aw sang Video on Demand sa Roku

Pagtan-aw sang Video on Demand sa Roku

Paagi sa Video on Demand matan-aw mo ang mga video sa JW Broadcasting. Puede mo ini ma-pause, ma-rewind, ma-fast forward, ukon ma-skip. Magtan-aw sang isa lang ka video ukon sang tanan nga video sa koleksion.

(Patalupangod: Ang diagram sang Roku 3 nga remote makita diri. Mahimo nga lain ang hitsura sang imo remote.)

Pilia ang Video on Demand sa home sang JW Broadcasting para makita mo ang mga kategoriya sang video. Sunda ang instruksion sa ubos para makita mo kag matan-aw ang mga video:

 Pagpangita sang Video

Tum-uka ang Left kag Right nga mga arrow sa remote sang imo Roku para makapili ka sang channel. Ang naka-highlight nga channel makita sa tunga sang imo screen pati ang piktyur, tig-ulo, kag malip-ot nga diskripsion sini. Tum-uka ang OK kon gusto mo tan-awon ang naka-highlight nga channel.

Ang iban nga video makita sa lainlain nga kategoriya. Halimbawa, ang video nga The Prodigal Returns makita sa Movies, Family, kag Teenagers.

Ang kada linya sang mga video sa kategoriya ginatawag nga koleksion. Kon magsaylosaylo ka sa mga arrow sa remote sang imo Roku, ipakita sang Details Bubble ang tig-ulo kag kalawigon sang naka-highlight nga video.

  • Up kag Down nga mga arrow: Gamita para makasaylosaylo ka sa lainlain nga koleksion. Ang tig-ulo ara sa ibabaw sang koleksion.

  • Left kag Right nga mga arrow: Gamita para maka-scroll sang mga video sa isa ka koleksion.

    Tip: Makita mo sa counter sa ibabaw sa tuo nayon kon pila ka video ang unod sang isa ka koleksion kag kon ikapila nga video ang imo gina-highlight.

Tum-uka ang OK para makapili ka sang video kag makita mo ang pahina sang mga detalye sina nga video. Magpili sing isa sa masunod:

  • Play: Para ma-play ang video halin sa umpisa.

  • Play With Subtitles: Makita lang ini nga opsyon kon may subtitle ang ginatan-aw mo nga video. Kon pilion mo ini magua ang subtitle sang imo ginatan-aw kag ang subtitle (kon may ara) sang tanan nga video sa Streaming kag sa Video on Demand nga mga seksion. Kon indi ka na sang subtitle, pilia ang Play Without Subtitles.

  • Play All in This Collection: Para mag-andar sing pasunod ang tanan sa sina nga koleksion sugod sa imo ginatan-aw.

    Patalupangod: Mauntat ang pag-andar kon maubos na ang video sa sina nga koleksion.

 Pagkontrol sang Video

Samtang nagaandar ang video sa Video on Demand nga seksion, puede mo makontrol ang video paagi sa remote sang imo Roku:

  • Pause: Para mag-pause ang video. Tum-uka liwat ang button para mag-andar naman ang video.

  • Fast Forward: Para mag-fast forward ang video. Kon makalab-ot ka na sa bahin sang video nga gusto mo tan-awon, tum-uka ang Play nga button.

    Tip: Puede mo matum-ok sing pila ka beses ang Fast Forward nga button para magdasig pa gid ini.

  • Rewind: Para mag-rewind ang video. Kon makalab-ot ka na sa bahin sang video nga gusto mo tan-awon, tum-uka ang Play nga button.

    Tip: Puede mo matum-ok sing pila ka beses ang Rewind nga button para magdasig pa gid ini.

  • Right Arrow: Para mag-abanse sing dies segundos ang video. Kon makalab-ot ka na sa bahin sang video nga gusto mo tan-awon, tum-uka ang Play nga button.

  • Left Arrow: Para magbalik sing dies segundos ang video. Kon makalab-ot ka na sa bahin sang video nga gusto mo tan-awon, tum-uka ang Play nga button.

  • Down Arrow: Para makita mo ang impormasyon parte sa video sing pila ka segundos. Tum-uka liwat kon gusto mo ini madula sa screen.

  • Up Arrow ukon Back: Para makabalik sa pahina sang mga detalye.

 Pagtan-aw sang Pinakabag-o Ukon Featured Video

Sa home sang JW Broadcasting may duha ka espesyal nga koleksion sa Video on Demand:

  1. Featured: Kon may ara sini, makita diri ang pinili nga mga video, pareho sang mga video nga ginagamit sa miting sa kongregasyon sina nga semana ukon sa pangpamilya nga pagsimba.

  2. Latest: Ang anom ka bag-o nga mga video.

Sunda ini nga mga instruksion para makapili sing video sa isa sining mga koleksion:

  • I-highlight ang koleksion paagi sa Up ukon Down nga arrow.

  • Tum-uka ang OK nga button para makita ang mga video sa naka-highlight nga koleksion.

  • Gamita ang Up ukon Down nga arrow para ma-scroll ang mga video.

  • Tum-uka ang OK para mapili ang naka-highlight nga video kag makita ang pahina sang mga detalye sini.

    Patalupangod: Pilia ang Play All in This Collection para mag-andar sing pasunod ang tanan nga video sa koleksion nga ginpili mo.