Magdiretso sa kaundan

Magdiretso sa segundaryo nga menu

Mga Saksi ni Jehova

Hiligaynon

Warwick—Koleksion sang mga Piktyur 5 (Septiembre 2015 Asta Pebrero 2016)

Warwick—Koleksion sang mga Piktyur 5 (Septiembre 2015 Asta Pebrero 2016)

Makita mo sa sini nga koleksion sang mga piktyur ang mga nagakatabo samtang ginapatindog ang bag-o nga ulong talatapan sang mga Saksi ni Jehova kag kon paano ginasuportahan sang mga boluntaryo ang pagtukod sini halin sang Septiembre 2015 asta Pebrero 2016.

Drowing sang kompleto na nga mga bilding sa Warwick. Palibot halin sa ibabaw sa wala:

  1. Vehicle Maintenance Building

  2. Visitor Parking

  3. Maintenance Building/Resident Parking

  4. Residence B

  5. Residence D

  6. Residence C

  7. Residence A

  8. Mga Opisina/Services Building

Oktubre 7, 2015—Site sa Warwick

Gin-transport ang arko para sa tulay nga gamiton sa katunggan. Sang ginpapanaug sa trak, ginbutangan ini sang mga goma para maproteksionan ini. Ang tulay nagabulig para indi maguba ang katunggan.

Oktubre 13, 2015—Mga Opisina/Services Building

Ang atop nga gintamnan sang sedum nga nagabag-o-bag-o ang kolor antes mag-tigtulugnaw. Disiseis ka sahi sang sedum ang gintanom sa atop. Ini nga mga tanom nagabulig sa pagsuyop sang tubig kon grabe ang ulan. Makabulig man ini para makakinot sa kuryente, kag kinahanglan lang hilamunan para magtubo sing maayo.

Oktubre 13, 2015—Residence D

Panday nga nagatakod sing moldura sa kusina sang isa ka kuarto sang residence. Sobra 60 porsiento na sang tanan nga kabinet sang kusina ang natakod sang Carpentry Department sang hingapusan sang Pebrero 2016.

Oktubre 16, 2015—Mga Opisina/Services Building

Mga elektrisyan nga nagatakod sang light-emitting diode (LED) nga mga suga para sa logo sang Watch Tower nga ara sa tower.

Oktubre 21, 2015—Mga Opisina/Services Building

Ang Mga Opisina/Services Building nga may tower kag entrance lobby, nga nagasiga kon gab-i. Halin sa tower, makita sing maayo sang mga bisita ang site sa Warwick kag ang palibot sini.

Oktubre 22, 2015—Site sa Warwick

Mga construction worker nga nagatambak sing balas kag bato dayon nagabuhos para maagyan sang mga salakyan. Ginbutangan nila sing temporaryo nga tabon ang duta para indi matiphag.

Nobiembre 9, 2015—Mga Opisina/Services Building

Mga trabahador nga nagatakod sing prefabricated nga skylight sa ibabaw sang elebeytor sang lobby. Onse ka skylight ang ginbutang sa Mga Opisina/Services Building para magsulod ang silak sang adlaw.

Nobiembre 16, 2015—Maintenance Building/Resident Parking

Ginautod sang welder ang salsalon nga tubo nga gamiton para sa suplay sang mabugnaw nga tubig paagi sa oxygen-acetylene beveling machine.

Nobiembre 30, 2015—Mga Opisina/Services Building

Panday nga nagatakod sing subsill sa bintana. Kon na-level na ang subsill kag mabutang ang drywall, ibutang dayon ang windowsill.

Disiembre 17, 2015—Site sa Warwick

Pagbutang sing mga pavement sang tig-ululan. Sa tunga nga bahin sang piktyur, makita ang puti nga screed nga nagatapan sang duha ka layer sang balas kag bato. Sa atubangan, ginaplastar sang excavator nga may hydraulic clamp ang mga pavement. Sa wala, may plastik nga tarpaulin nga nagatabon sa duta para indi ini mag-awas.

Disiembre 24, 2015—Site sa Warwick

Mga trabahador nga nagabutong sang kable nga gamiton sa substation, nga nagasuplay sang kuryente sa mga pasilidad sa Warwick.

Enero 5, 2016—Mga Opisina/Services Building

Pagbutang sing frame sang atop sang walkway halin sa Visitor Parking pakadto sa Mga Opisina/Services Building para ang mga bisita indi mabasa kon mag-ulan kag mag-snow.

Enero 5, 2016—Maintenance Building/Resident Parking

Gina-adjust sang teknisyan sa control panel ang boiler. Natakod na ang apat ka boiler sa Warwick.

Pebrero 8, 2016—Mga Opisina/Services Building

Mga trabahador nga nagabutang sing mga dryer sa Laundry Department. Ang pinakagamay nga dryer makapamala sing 6 ka kilo kag ang pinakadaku makapamala sing 45 ka kilo. Ang mga washing machine ibutang sa wala nga bahin.

Pebrero 8, 2016—Sa Tuxedo

Si Gerrit Lösch, miembro sang Nagadumala nga Hubon, nagadumala sang Pagtinuon sa Ang Lalantawan sang pamilya Bethel. Na-broadcast ini sa iban nga lokasyon diin nagadayon ang mga boluntaryo sa Warwick.

Pebrero 19, 2016—Residence A

Nagdul-ong sing karpet ang Interior Department sa isa sa mga residence building. Sobra 65,000 metros kuadrados nga karpet ang gin-order para sa pasilidad sa Warwick.

Pebrero 22, 2016—Site sa Warwick

Halin sang Septiembre 2015 asta Pebrero 2016, ginhatagan sang occupancy permit ang Residence C kag D para madayunan sang mga boluntaryo. Na-install man ang tanan nga elebeytor sang mga bilding. Natapos man ang pag-obra sang Residence Drive, pati ang pagbutang sang mga pavement. Bangod indi masyado matugnaw ang panahon, temprano nga natapos ang pag-landscape.

Pebrero 24, 2016—Maintenance Building/Resident Parking

Isa ka miembro sang crew nga nagakadang para magbutang sang grid sa kisame. Ang Walls/Ceilings Department amo ang naga-frame, naga-insulate, nagatakod, kag naga-finishing sang drywall. Sila man ang naga-plaster kag nagabutang sang firestop sa mga dingding.