Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Warwick—Koleksion sang mga Piktyur 4 (Mayo Asta Agosto 2015)

Warwick—Koleksion sang mga Piktyur 4 (Mayo Asta Agosto 2015)

Makita mo sa sini nga koleksion sang mga piktyur ang mga nagakatabo samtang ginapatindog ang bag-o nga ulong talatapan sang mga Saksi ni Jehova kag kon paano ginasuportahan sang mga boluntaryo ang pagtukod sini halin sang Mayo asta sang Agosto 2015.

Drowing sang kompleto na nga mga bilding sa Warwick. Palibot halin sa ibabaw sa wala:

  1. Vehicle Maintenance Building

  2. Visitor Parking

  3. Maintenance Building/Resident Parking

  4. Residence B

  5. Residence D

  6. Residence C

  7. Residence A

  8. Mga Opisina/Services Building

Mayo 6, 2015—Site sa Warwick

Ginapreparar sang rigger ang screening device nga ibutang sa Sterling Forest Lake (Blue Lake). Ini nga device amo ang magapugong sa dalagku nga mga debris para indi magkadto sa manabaw nga bahin sang guluwaan sang tubig sa linaw.

Mayo 6, 2015—Maintenance Building/Resident Parking

Ginasemento sang structural team ang barandilya sang Maintenance Building sa paagi nga ginatawag “shotcrete.” Ang shotcrete mas madasig sangsa kinaandan na nga paagi sang pagbuhos.

Mayo 15, 2015—Site sa Warwick

Ang photographer sang Documentation Department nga nagakuha sing piktyur sang kontruksion. Kada semana, ginatan-aw sang Nagadumala nga Hubon ang mga piktyur para mahibaluan ang pag-uswag sa site.

Mayo 30, 2015—Tuxedo complex

Mag-asawa halin sa California nga nag-abot para magboluntaryo sa Plumbing Department. Sina nga adlaw, sila nga duha kag ang ginatos pa nag-abot sa Tuxedo, nga amo ang staging area sang pagpatindog nga hilikuton sa Warwick. Sang Agosto 1, 707 ka bag-o nga boluntaryo ang nag-abot, ang pinakadamo nga boluntaryo base sa rekord.

Hunyo 9, 2015—Residence B

Naggamit sing crane ang mga kontraktor para hakwaton kag itakod ang dingding. Ang Residence B amo ang pinakaulihi nga ginbutangan sing mga dingding kag bintana.

Hunyo 16, 2015—Residence C kag D

Ginatakod sang mga kontraktor ang linkway sang Residence C kag D.

Hunyo 25, 2015—Residence C

Ginahumlad sang mga landscaper ang hilamon sa katundan nga bahin sang site.

Hulyo 2, 2015—Site sa Warwick

Ginakay-o sang structural crew ang pinakadaku nga spillway, nga malapit sa dam. Ang orihinal nga istruktura gintukod sang dekada 1950. Ginkay-o ini para maproteksionan ang site sa Warwick kag ang iban pa nga mga bilding sa baha bangod pirme na subong nagaulan kag mas makusog ang mga bagyo nga nagaagi sa sini nga mga lugar.

Hulyo 15, 2015—Residence A

Para indi magginutok sa site, ang mga ulubrahon sa sulod, pareho sang pagpamintura kag pag-insulate sang mga tubo, ginahimo asta maggab-i. Sang ginsugdan ang ikaduha nga shift, ginatos ang gin-asayn nga mag-obra halin sa alas tres sang hapon asta sa alas dos sang kaagahon.

Hulyo 20, 2015—Residence D

Isa ka miembro sang HVAC nga nagatudlo sa iya upod kon paano mag-insulate sang mga tubo.

Hulyo 21, 2015—Residence B

Ginapinturahan ang linkway sang Residence B pakadto sa Maintenance Building.

Hulyo 27, 2015—Tuxedo complex

Sa parkingan sa likod, madamo nga boluntaryo ang nagahulat sang ila biyahe pakadto sa Warwick. May mga bus nga nagasugat kag nagadul-ong sa ila sa site.

Hulyo 27, 2015—Tuxedo complex

Tatlo ka boluntaryo sa Warwick nga nagapagunting. Sa mga barber shop sa Tuxedo, Warwick, kag sa warehouse sa Montgomery, sobra 400 ang ginaguntingan kada semana.

Agosto 3, 2015—Site sa Warwick

Pagplastar sang mga pormas para sa pagbuhos sang semento sa geothermal field. May 120 ini ka tasok nga mga 150 metros ang kadalumon, nga makabulig sa pagsuplay sang init kon tigtulugnaw kag tugnaw kon tingadlaw. Makabuhin ini sa gasto kag sa halit sa lugar sa palibot.

Agosto 7, 2015—Montgomery, New York

Diri ginabaton kag ginaasembol ang mga suplay para sa lainlain nga mga ulubrahon sa Warwick.

Agosto 14, 2015—Tuxedo Park, New York

Mag-asawa nga boluntaryo (ikaduha kag ikatlo halin sa tuo) sa Warwick nga nagakaon upod sa isa ka pamilya. Madamo nga pamilya sang mga Saksi ni Jehova, pareho sini, ang nagbukas sang ila puluy-an para dayunan sang mga boluntaryo.

Agosto 17, 2015—Maintenance Building/Resident Parking

Gina-check sang isa ka boluntaryo ang nibel sang duta paagi sa automatic level.

Agosto 20, 2015—Mga opisina/Services Building

Human na ang tanan nga bintana sa main lobby, nga para sa mga bisita nga maga-tour.

Agosto 26, 2015—Site sa Warwick

Sa tungatunga sang Mayo kag Agosto, natapos ang dingding kag atop sang katapusan nga residence, ang Residence B. Natakod naman ang tanan nga linkway sang mga bilding kag ginsugdan na ang pag-landscape.

Magtuon sing Dugang Pa

Sin-o Gid Bala ang mga Saksi ni Jehova?

May kilala ka bala nga mga Saksi ni Jehova? Daw ano mo gid bala kami ka kilala?