Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Pag-amlig sa mga Sapat kag Tanom sa Palibot sang Warwick

Pag-amlig sa mga Sapat kag Tanom sa Palibot sang Warwick

Ginsugdan na sang mga Saksi ni Jehova ang pagtukod sang ila bag-o nga ulong talatapan malapit sa Sterling Forest Lake (Blue Lake) sa New York State. Paano nila ginaamligan ang mga sapat kag tanom kag ang palibot didto?

Naghimo ang mga Saksi sing temporaryo nga kudal para indi makasulod ang mga rattlesnake, eastern box turtle, kag wood turtle sa construction site kon diin posible sila mahalitan. Regular nga ginainspeksion ang mga kudal para masiguro nga wala gid sing sapat nga makasulod. Kon matapos na ang konstruksion kag kuhaon na ang kudal, ang tanan nga rattlesnake nga makita nga malapit sa pasilidad ipakuha sa mga eksperto sa man-ug para mabalik sa lugar sini.

Ang eastern bluebird

Ang mga kahoy ginpulod sang tigtulugnaw para indi matublag ang mga eastern bluebird sa tion sang ila pagpangitlog. Kon matapos na ang konstruksion, ang mga Saksi mabutang sing mga pulugaran para magbalik ang mga pispis.

Subong man, nagapanghawan sila kag nagalebel sang duta kon bulan lamang sang Oktubre asta Marso para maglapta kag makatubo ang mga binhi sang tanom nga hyssop skullcap nga dali na lang mapapas. Ginasunod gid ini nga iskedyul bisan pa wala sing nakita nga amo sini nga tanom sa construction site sa Warwick halin sang 2007.

Malapit sa site ang Sterling Forest Lake, diin may lainlain nga sahi sang waterfowl subong man mga isda, pareho sang trout, bass, pickerel, kag perch. Para maamligan ang linaw, ang mga nagdesinyo nagpili sang sarisari nga teknik sa pagtukod nga makaamlig sa palibot. Halimbawa, butangan sang tanom ang mga atop para masala ang higko sa ulan kag mas madamo nga tubig ang masalupsop. Dugang pa, ang mga tanom sa palibot sang linaw ginapreserbar kag ginaamligan.

Ang isa ka Saksi nga naasayn sa sini nga bahin sang proyekto nagsiling, “Bisan pa nagakinahanglan ini sing dugang nga plano kag panahon, gusto gid namon nga amligan ang ecosystem sa site sa Warwick.”