Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Bag-o nga Assembly Hall sa Kagulangan sang Amazon

Bag-o nga Assembly Hall sa Kagulangan sang Amazon

Sa sentro sang kagulangan sang Amazon, may bag-o kag matahom nga Assembly Hall sang mga Saksi ni Jehova. Ining 52 ka ektarya nga propiedad, nga nahamtang sa aminhan sang siudad sang Manaus, Brazil, halos natabunan sang kagulangan. Ang sarisari sing kolor nga macaw, toucan, kag iban pa nga pispis nagahuni sa ibabaw sang mga kahoy nga cupuaçu, mataas katama nga Brazil nut, kag angelim pedra. Ngaa nagpatindog sing Assembly Hall diri?

Ang siudad sang Manaus, nga nahamtang sing 1,450 ka kilometro halin sa gibwangan sang Amazon River, may populasyon nga halos duha ka milyon. Ang bag-o nga pasilidad gamiton sang mga 7,000 ka Saksi halin sa Manaus kag sa palibot nga mga banwa, lakip ang mga lugar malapit sa Amazon kag sa mga sapa sini. Ang pinakamalayo nga banwa nga São Gabriel da Cachoeira, nahamtang sing sobra 800 ka kilometro sa katundan sang Manaus. Para makatambong sa asembleya ukon kombension sa Assembly Hall, ang iban nagasakay sa baruto sing tatlo ka adlaw!

Ang pagpatindog sing Assembly Hall sa sentro sang rehiyon sang Amazon daku gid nga trabaho. Mga 13 ka container van ang gingamit sa paghakot sang mga materyales halin sa pantalan sang Santos, São Paulo, dayon sa baybayon sang Brazil, pakadto sa Amazon River para makalab-ot sa site sang konstruksion.

Ining bag-o nga pasilidad amo ang ika-27 nga Assembly Hall nga ginpatindog sa Brazil, kag 1,956 ang nagtambong sa programa sang dedikasyon sang Domingo, Mayo 4, 2014. Madamo ang nalipay gid kay amo ini ang una nga tion nga nakatipon sila sa isa ka Assembly Hall.

Wala lamang nabatian sang mga nagtambong ang humalambal, kundi nakita man nila ini. Daku gid ini nga pagbag-o, kay sang una ang mga asembleya kag mga kombension ginahiwat sa publiko nga mga lugar diin madamo ang indi makakita sa entablado, pati na sa humalambal. Ang isa ka Saksi nagsiling, “Tinuig na ako nga nagatambong sa mga kombension, pero wala gid ako makatan-aw sing drama sa Biblia; mabatian ko lang.” Pero subong, makita na sang tanan ang entablado.

Magtuon sing Dugang Pa

Ngaa ang mga Saksi ni Jehova Nagatambong sa mga Asembleya?

Kada tuig, nagatipon kami para sa tatlo ka espesyal nga okasyon. Paano ka makabenepisyo sa sini nga mga pagtilipon?

Ngaa May mga Kingdom Hall ang mga Saksi ni Jehova kag Paano Ini Ginatukod?

Ngaa ginatawag nga Kingdom Hall ang amon tilipunan sa pagsimba? Hibalua kon paano ining simple nga mga tinukod mapuslanon sa amon mga kongregasyon.