Magdiretso sa kaundan

Magdiretso sa secondary menu

Mga Saksi ni Jehova

Hiligaynon

Gin-abiabi Gid sang Atlanta ang mga Saksi ni Jehova

Gin-abiabi Gid sang Atlanta ang mga Saksi ni Jehova

“Saludo ako sa mga miembro sang inyo organisasyon kay handum kag gusto gid nila nga mag-alagad sa ginharian sang Dios. Ang inyo pagbulig sa pareho ninyo nga mga Saksi ni Jehova kag sa komunidad ginaapresyar gid.”

Amo ini ang sulat ni Kasim Reed, ang meyor sang siudad sang Atlanta, Georgia, U.S.A. Ang sulat isa ka pag-abiabi sa mga Saksi ni Jehova para sa tatlo ka dalagku nga kombension nga pagahiwaton didto.

Ang Konseho sang Atlanta City nagpagua man sang proklamasyon nga nagaabiabi sa mga delegado sang kombension. Nagsiling ini: “Halos walo ka milyon ang mga Saksi ni Jehova sa bilog nga kalibutan, nga may . . . ginatos ka sarisari nga rasa kag lenguahe, pero . . . nahiusa kamo sa isa ka katuyuan . . . Gusto [ninyo] padunggan si Jehova, ang Dios sa Biblia kag ang Manunuga sang tanan nga butang.”

Tatlo ka kombension ang ginhiwat didto sang Hulyo kag Agosto 2014, ang duha sini sa Ingles kag ang isa sa Spanish. Ang mga delegado naghalin sa indi magkubos 28 ka pungsod, kag ang Ingles nga programa gin-translate sa Russian kag Japanese para sa mga delegado nga nagahambal sini nga mga lenguahe. Ang nagtambong sa tatlo ka kombension may kabilugan nga 95,689.

Sang 2014, ang mga Saksi ni Jehova naghiwat sing dalagku nga internasyonal nga mga kombension sa siam ka pungsod, lakip ang 16 ka lokasyon sa United States.