Magdiretso sa kaundan

Magdiretso sa secondary menu

Mga Saksi ni Jehova

Hiligaynon

Ginpadunggan ang mga Saksi ni Jehova sa Australia sa Pagbulig sa mga Priso

Ginpadunggan ang mga Saksi ni Jehova sa Australia sa Pagbulig sa mga Priso

Siam sa mga Saksi ni Jehova sa Australia ang ginhatagan sing sertipikasyon bilang pagpasalamat sa ila “dalayawon nga bulig” sa mga priso sa isa sa pinakadaku nga immigration detention center sa Australia. Ang mga award nga nabaton sang mga Saksi halin sa Curtin Immigration Detention Centre nga malapit sa Derby, Western Australia. *

Kada semana, ginakadtuan sang mga Saksi ang mga priso para pamatian ang ila mga eksperiensia sa kabuhi kag para masugid sa ila ang mensahe sang Biblia nga nagahatag sing lugpay kag paglaum. “Makita gid dayon ang epekto sang ila pagbisita sa mga priso,” siling ni Christopher Riddoch, nga amo ang liaison officer sang relihion kag kultura sa sini nga pasilidad. Nagsiling sia nga ang ginbisitahan nga mga priso mas malipayon bangod nabal-an nila nga “may mga tawo nga nagakabalaka gid sa ila.”

Si Mr. Riddoch nagsiling man nga ang sertipikasyon nga ginhatag sa mga Saksi isa ka paagi sang pagpasalamat, nga para sa iya, bangod sa “pagpauswag sang kabuhi sang mga tawo nga ara sa amon pagdumalahan.” Nagsiling pa sia nga ang mga Saksi “kadungganan sang ila mga pamilya, sang ila kongregasyon, kag sang ila pagtuluuhan.”

^ par. 2 Mga 1,500 ang unod sini nga pasilidad.