Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ginaagda Ka Namon nga Magbisita sa mga Pasilidad sang Bethel sa United States

Ginaagda Ka Namon nga Magbisita sa mga Pasilidad sang Bethel sa United States

“May matahom na kami subong nga mga handumanan sang amon pagkadto sa Bethel, nga indi gid namon malipatan asta san-o.” Amo ini ang ginsiling sang mag-asawa nga halin sa Vanuatu sa tapos nila makadtuan ang mga pasilidad sang mga Saksi ni Jehova sa United States. Amo man sini ang nabatyagan sang kalabanan sa sobra setenta mil ka tawo nga nagabisita diri kada tuig.

Nakakadto ka na bala sa mga pasilidad sang Bethel sa United States? Kon wala pa, ginaagda ka namon nga magkadto diri.

Ano ang makita mo sa tatlo ka panguna nga mga pasilidad?

Ulong Talatapan sa Brooklyn, New York. Mag-tour upod sa tour guide kag hibalua ang parte sa mga panikasog nga ginahimo para mangin organisado kag masuportahan ang pagwali sang maayong balita sa bilog nga kalibutan. May duha man ka eksibit nga puede mo ma-tour nga ikaw lang. Ang isa, may tema nga “A People for Jehovah’s Name,” nga nagapakita sang kasaysayan sang katawhan ni Jehova halin sang unang siglo asta subong. Ang ikaduha, ang “The Bible and the Divine Name,” parte sa sarisari nga mga translation sang Biblia, diin mabasa ang pinasahi nga ngalan sang Dios.

Teokratiko nga Edukasyon sa Patterson, New York. Mag-tour upod tour guide kag hibalua ang parte sa mga eskwelahan nga ari diri, pareho sang Watchtower Bible School of Gilead kag School for Branch Committee Members and Their Wives. Makita mo man ang mga displey kag mga video parte sa mga ginahimo sa mga opisina, lakip ang mga departamento sang Art, Audio/Video Services, Legal, kag Service.

Pag-imprinta kag Pagpadala sang mga Literatura sa Wallkill, New York. Mag-upod sa tour kag tan-awa kon paano ang mga Biblia kag base sa Biblia nga mga literatura ginaimprinta, gina-bind, kag ginapadala sa mga kongregasyon sa United States, sa Caribbean, kag sa iban pa nga bahin sang kalibutan.

Ano ka lawig ang pag-tour sa sini nga mga pasilidad?

Ang pag-tour upod sa tour guide sa Brooklyn nagalawig sing mga isa ka oras; sa Patterson, mga duha ka oras; kag sa Wallkill, mga isa ka oras kag tunga.

Sin-o ang mga tour guide?

Ang mga tour guide nagaobra sa lainlain nga departamento sa Bethel. Ginakabig nila ini nga bahin sang ila pagsuporta sa amon bug-os kalibutan nga hilikuton sa pagtudlo. Sugod sang Mayo 2014, may sobra 5,000 ka tawo nga nagaobra sa sining tatlo ka pasilidad, kag sobra 3,600 sa ila ang ginhanas nga mag-tour guide. Ini nga mga tour ginahimo sa mga 40 ka lenguahe.

Pila ang bayad kon mag-tour?

Wala.

Dapat bala isa ka sa mga Saksi ni Jehova para makakadto diri?

Indi. Madamo sa nagakadto diri indi mga Saksi. Matun-an sang mga Saksi kag indi mga Saksi ang organisado nga mga panikasog diri nga nagasuporta sa bug-os kalibutan nga hilikuton sang mga Saksi ni Jehova.

Ang Muslim nga babayi halin sa India nagbisita sa Patterson. Pagkatapos sang iya pag-tour, nagsiling sia: “Gusto ko mangin bahin sini. Salamat gid sa pagpakita sa akon sing daku nga respeto.”

Puede bala ka upod ang mga bata?

Siempre! Ang pagkadto diri may daku nga epekto sa mga bata. Ang bisita nga si John, nga taga-United States, nagsulat: “Pagpauli namon ang mga bata nga upod namon wala untat nga nagaistorya parte sa ila tour. Antes sang tour, wala gid sila sing ideya kon ano ang ginahimo sa Bethel, pero subong goal na nila nga mag-alagad diri.”

Puede man bala mag-tour sa mga pasilidad sang mga Saksi ni Jehova sa iban nga pungsod?

Huo. Maka-tour ka sa madamo nga pungsod. Para mabal-an mo ang adres, magkadto sa Opisina kag Tour nga pahina. Ginaagda ka gid namon nga magkadto kag mag-tour sa isa sa mga sanga talatapan sang mga Saksi ni Jehova.

Magtuon sing Dugang Pa

Ano ang Ginahimo sa Sanga Talatapan?

Ang mga bisita mahimo mag-tour sa bisan diin nga sanga talatapan. Ginaagda namon kamo nga magbisita!