Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ang mga Saksi ni Jehova Bala mga Zionist?

Ang mga Saksi ni Jehova Bala mga Zionist?

Indi. Ang mga Saksi ni Jehova mga Cristiano kag ginabase nila sa Kasulatan ang ila mga pagpati. Ginatudlo sang iban nga relihion nga ang pagtilipon sang mga Judiyo sa Palestina naangot sa tagna sang Kasulatan, pero indi amo sini ang pagpati sang mga Saksi ni Jehova. Wala sila nagapati nga ini nga pag-uswag sa pulitika gintagna sa Kasulatan. Ang matuod, wala sing may ginatib-ong ang Kasulatan nga gobierno, tribo, ukon mga tawo. Ang Lalantawan, ang opisyal nga magasin sang mga Saksi ni Jehova malig-on nga nagsiling: “Wala gid nabase sa Kasulatan ang Zionismo.”

Ang Encyclopædia Britannica naglaragway sa Zionismo subong “isa ka pungsudnon nga hublag sang mga Judiyo nga ang katuyuan amo ang pagtukod kag pagsuporta sang isa ka Judiyo nga estado sa Palestina.” Naghalin ini sa relihioso kag pulitikal nga mga pagpati. Ang mga Saksi ni Jehova wala nagasuporta sa doktrina sang Zionismo, kag neutral sila kon parte sa pulitikal nga Zionismo.

Ang organisasyon sang mga Saksi ni Jehova isa ka relihioso nga organisasyon kag wala sila nagaentra sa pulitika lakip na sa Zionismo. Ang mga rekord nagapakita nga ang mga Saksi ni Jehova neutral sa pulitika, kag sa iban nga pungsod ginpili nila nga antuson ang paghingabot sangsa ikompromiso ang ila neutralidad. Kumbinsido kami nga ang Ginharian sang Dios sa langit lamang ang makadala sang matuod nga paghidait sa duta kag indi ang bisan ano nga gobierno ukon hublag.

Ang isa sa panguna nga prinsipio sa pagtuluuhan sang mga Saksi ni Jehova, bisan diin man sila nagaistar, amo ang pagpasakop sa gobierno. Wala sila nagarebelde sa awtoridad ukon nagaentra sa inaway.