Huo. Nagapati kami kay Jesus, nga nagsiling: “Ako amo ang dalan kag ang kamatuoran kag ang kabuhi. Wala sing makakadto sa Amay kon indi paagi sa akon.” (Juan 14:6) Nagapati kami nga si Jesus nagpanaug sa duta halin sa langit kag ginhatag niya ang iya perpekto nga kabuhi subong halad gawad. (Mateo 20:28) Paagi sa iya kamatayon kag pagkabanhaw, ang mga nagatuo sa iya mahimo makatigayon sing kabuhi nga wala sing katapusan. (Juan 3:16) Nagapati man kami nga nagagahom na subong si Jesus sa langit bilang Hari sang Ginharian sang Dios, nga sa indi madugay magadala sing paghidait sa bilog nga duta. (Bugna 11:15) Pero, nagapati man kami sa ginsiling ni Jesus nga: “Ang Amay daku pa sa akon.” (Juan 14:28) Gani, wala namon ginasimba si Jesus kay wala kami nagapati nga sia ang Labing Gamhanan nga Dios.