Magdiretso sa kaundan

Magdiretso sa secondary menu

Mga Saksi ni Jehova

Hiligaynon

Ginalikawan Bala sang mga Saksi ni Jehova ang mga Miembro Anay sang Ila Relihion?

Ginalikawan Bala sang mga Saksi ni Jehova ang mga Miembro Anay sang Ila Relihion?

Ang bawtismado nga mga Saksi ni Jehova nga wala na nagawali, ayhan wala na nagapakig-upod sa iban nga mga Saksi, wala namon ginalikawan. Ang matuod, ginatinguhaan namon nga mabuligan sila nga mapabakod liwat sa espirituwal.

Wala namon dayon gina-disfellowship ang mga nakahimo sing serioso nga sala. Pero, kon ang isa ka bawtismado nga Saksi padayon nga nagalapas sa pagsulundan sang Biblia sa moral kag wala nagahinulsol, dapat sia likawan ukon i-disfellowship. Ang Biblia maathag nga nagsiling: “Sikwaya ang malaut nga tawo sa tunga ninyo.”—1 Corinto 5:13.

Pero paano kon ang bana nga gin-disfellowship may asawa kag kabataan nga mga Saksi man ni Jehova? Magabag-o ang ila kaangtanan sa espirituwal, pero indi ang ila relasyon subong pamilya. Magapabilin ang ila relasyon subong mag-asawa kag amo gihapon ang kaangtanan sang isa kag isa subong pamilya.

Ang mga na-disfellowship mahimo makatambong sa amon mga pagtilipon para magsimba. Kon gusto nila, mahimo sila makabaton sing laygay halin sa mga gulang sa kongregasyon. Ginahimo ini para mabuligan sila nga makabalik subong Saksi ni Jehova. Ang mga na-disfellowship nga nagbiya sa ila malain nga mga buhat kag nagapakita nga gusto gid nila magkabuhi suno sa mga pagsulundan sang Biblia mahimo gid batunon liwat subong miembro sang kongregasyon.