Magdiretso sa kaundan

Magdiretso sa secondary menu

Mga Saksi ni Jehova

Hiligaynon

Ginapabakod Bala Ukon Ginaguba sang mga Saksi ni Jehova ang mga Pamilya?

Ginapabakod Bala Ukon Ginaguba sang mga Saksi ni Jehova ang mga Pamilya?

Subong mga Saksi ni Jehova, ginatinguhaan namon nga pabakuron, indi lamang ang amon mga pamilya kundi pati man ang iya sang iban. Ginatahod namon ang Dios subong Tagtukod sang pamilya. (Genesis 2:21-24; Efeso 3:14, 15) Sa Biblia, may ginatudlo sia nga mga prinsipio nga nakabulig sa mga tawo sa bilog nga kalibutan para mangin mabakod kag malipayon ang ila pag-asawahay.

Kon Paano Nagabulig ang mga Saksi ni Jehova sa Pagpabakod sang mga Pamilya

Ginahimo gid namon ang tanan namon nga masarangan sa pagtuman sang laygay sang Biblia, bangod nagabulig ini sa amon nga mangin mas maayo nga bana, asawa, kag mga ginikanan. (Hulubaton 31:10-31; Efeso 5:22–6:4; 1 Timoteo 5:8) Ang kaalam nga mabasa sa Biblia nagabulig man para magmadinalag-on bisan ang mga pamilya nga lainlain sing relihion. (1 Pedro 3:1, 2) Binagbinaga ang ginsiling sang pila ka indi Saksi nga may asawa ukon bana nga nangin Saksi ni Jehova:

  • “Sa una nga anom ka tuig sang amon pag-asawahay, pirme lang kami nagainaway kag indi kami malipayon. Pero, sang mangin Saksi ni Jehova si Ivete, nangin mas mapinalanggaon sia kag mapinasensiahon. Wala naguba ang amon pag-asawahay bangod nagbag-o sia.”—Clauir, taga-Brazil.

  • “Indi gid ako komporme sang nagtuon sing Biblia upod sa mga Saksi ni Jehova ang akon bana nga si Chansa, kay abi ko ginaguba nila ang mga pamilya. Sugod sadto, nakita ko nga ang Biblia nakabulig gid sa amon pag-asawahay.”—Agness, taga-Zambia.

Sa amon pag-istorya sa mga tawo, ginapakita namon sa ila kon paano ang pagsunod sa kaalam nga mabasa sa Biblia makabulig sa ila nga

Nagapagamo bala sa pag-asawahay ang pag-ilis sing relihion?

Huo, nagakatabo ini kon kaisa. Halimbawa suno sa 1998 nga report sang Sofres, isa ka kompanya nga nagahimo sang research, nga 1 sa kada 20 ka pag-asawahay ang may serioso nga problema sang nangin Saksi ang isa sa ila.

Si Jesus nagtagna nga ang magasunod sa iya mga panudlo magaatubang kon kaisa sing kagamo sa ila mismo mga pamilya. (Mateo 10:32-36) Ang istoryador nga si Will Durant nagsiling nga sang naggahom ang Romano nga Emperyo, “ang Cristianismo gin-akusahan nga nagapangguba sang pamilya,” * kag amo man sini ang ginaakusar sa pila ka Saksi ni Jehova subong. Buot bala silingon sini nga mga Saksi ang ginabangdan sang kagamo?

European Court of Human Rights

Sang nagdesisyon ang European Court of Human Rights parte sa akusasyon nga ang mga Saksi ni Jehova nagapangguba sang pamilya, nagsiling ini nga ang indi Saksi nga mga miembro sang pamilya amo pirme ang ginabangdan sang pagginamo bangod wala nila “ginabaton kag ginarespeto ang kahilwayan sang ila kapamilya nga ipabutyag kag himuon ang mga ginapatuman sang iya relihion.” Ang Korte nagsiling pa gid: “Ini nga sitwasyon kinaandan na sa mga mag-asawa nga magkatuhay sing relihion kag nalakip diri ang mga Saksi ni Jehova.” * Pero bisan pa ginahingabot sila bangod sang ila relihion, ginatinguhaan gid sang mga Saksi ni Jehova nga tumanon ang laygay sang Biblia: “Indi magbalos sang malaut sa malaut kay bisan sin-o. . . . Kon mahimo, tubtob sa masarangan ninyo, magpakighidait sa tanan nga tawo.”Roma 12:17, 18.

Ngaa nagapati ang mga Saksi ni Jehova nga dapat pareho nila sing relihion ang ila pangasaw-on ukon pamanahon?

Ginatuman sang mga Saksi ang instruksion sang Biblia nga magpangasawa ukon magpamana “lamang sa Ginuo,” buot silingon, sa tawo nga pareho nila sing pagtuo. (1 Corinto 7:39) Ini nga sugo base sa Biblia kag praktikal. Halimbawa, ang artikulo sang Journal of Marriage and Family sang 2010 nagsiling nga “ang mga mag-asawa nga pareho sing relihion, pagpati, kag pagtuluuhan” mahimo mangin mas malipayon sa ila pag-updanay. *

Pero, wala ginapalig-on sang mga Saksi ang ila mga miembro nga magbulag sa ila bana ukon asawa nga indi Saksi. Ang Biblia nagasiling: “Kon ang bisan sin-o nga utod nga lalaki may di-tumuluo nga asawa, apang nagapasugot sia sa pagpuyo upod sa iya, indi niya sia pagbayaan; kag ang babayi nga may di-tumuluo nga bana, apang nagapasugot sia sa pagpuyo upod sa iya, indi niya pagbayaan ang iya bana.” (1 Corinto 7:12, 13) Ini nga sugo ginatuman gid sang mga Saksi ni Jehova.

^ par. 17 Tan-awa ang Caesar and Christ, pahina 647.

^ par. 18 Tan-awa ang desisyon sa kaso nga Jehovah’s Witnesses of Moscow and Others v. Russia, pahina 26-27, parapo 111.

^ par. 20 Tan-awa ang Journal of Marriage and Family, Volume 72, Numero 4, (Agosto 2010), pahina 963.

Magtuon sing Dugang Pa

MAAYONG BALITA HALIN SA DIOS!

Paano Mangin Malipayon ang Imo Pamilya?

Luyag ni Jehova, ang malipayon nga Dios, nga mangin malipayon ang mga pamilya. Hibalua ang praktikal nga mga laygay sang Biblia para sa mga bana, asawa, ginikanan, kag kabataan.

MAGMATA!

Kon Paano Mangin Maayo nga Amay

Binagbinaga ang lima ka prinsipio sa Biblia nga makabulig sa imo para mangin mahigugmaon kag balanse nga amay.