Magdiretso sa kaundan

Magdiretso sa secondary menu

Mga Saksi ni Jehova

Hiligaynon

Nagahatag Ka Bala sing Ikapulo?

Nagahatag Ka Bala sing Ikapulo?

Wala, ang mga Saksi ni Jehova wala nagapatuman sang ikapulo. Ang amon hilikuton ginasuportahan sang boluntaryo nga mga donasyon, kag wala ginapahibalo kon sin-o ang nagahatag sini. Ano ang ikapulo, kag ngaa wala ini ginapatuman sang mga Saksi ni Jehova?

Ang sugo nga maghatag sing ikapulo, ukon paghatag sang ikapulo sang tanan nga pagkabutang, bahin sang Kasuguan sa pungsod sang Israel sadto. Pero, maathag ang ginasiling sang Biblia nga ini nga Kasuguan—pati na ang “ginsugo nga kolektahon ang mga ikapulo”—wala na ginapatuman sa mga Cristiano.Hebreo 7:5, 18; Colosas 2:13, 14.

Ang mga Saksi ni Jehova wala ginaobligar nga maghatag sing ikapulo kag halad, sa baylo ginailog nila ang mga Cristiano sadto. Ginasuportahan nila ang ila ministeryo sa duha ka paagi: Una, pagbantala kag pagpanudlo nga wala sing sueldo kag ikaduha, paghatag sing boluntaryo nga mga donasyon.

Sa amo, ginasunod namon ang sugo sang Biblia sa mga Cristiano: “Maghimo ang kada isa suno sa ginpamat-od niya sa iya tagipusuon, indi sing paganot ukon ginapilit, kay ginahigugma sang Dios ang nagahatag sing malipayon.”2 Corinto 9:7.

 

Magtuon sing Dugang Pa

PIRME GINAPAMANGKOT

Paano Ginasuportahan sang mga Saksi ni Jehova ang Ila Hilikuton?

Bisan wala sing pagpangolekta ukon pagpangayo sing ikapulo, hibalua kon paano nagapadayon sa pag-uswag ang pagwali sa bilog nga kalibutan.