Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Puede Bala Maghalin ang Isa Bilang Isa sa mga Saksi ni Jehova?

Puede Bala Maghalin ang Isa Bilang Isa sa mga Saksi ni Jehova?

Huo. May duha ka paagi nga makahalin ang isa sa amon organisasyon:

  • Paagi sa pormal nga pangabay. Sa hambal man ukon sa sulat, puede niya mapalab-ot ang iya desisyon nga indi na niya gusto nga mangin isa sa mga Saksi ni Jehova.

  • Paagi sa buhat. Mapakita sang isa nga indi na niya gusto nga mangin isa sa mga Saksi ni Jehova. (1 Pedro 5:9) Halimbawa, mahimo sia mag-entra sa iban nga relihion kag ginapakita niya nga amo na ini ang gusto niya nga relihion.1 Juan 2:19.

Ano abi kon ang isa wala na nagawali ukon nagatambong sa inyo mga miting? Ginakabig bala ninyo sia nga naghalin na sa inyo relihion?

Wala. Ang paghalin, ukon pagbulag, lain sa pagluya sang pagtuo. Sa masami, ang mga nagbugnaw ukon nag-untat sa ila pagsimba wala nagbiya sang ila pagtuo kundi naluyahan lang. Imbes nga likawan sila, ginatinguhaan namon nga paumpawan ukon buligan sila. (1 Tesalonica 5:14; Judas 22) Kon gusto niya mabuligan, ang mga gulang sa kongregasyon ang nagapanguna sa pagbulig sa espirituwal.Galacia 6:1; 1 Pedro 5:1-3.

Pero, ang mga gulang wala sing kinamatarong nga piliton ang isa nga magpabilin nga Saksi ni Jehova. Ang kada isa may kahilwayan sa pagpili kon ano ang gusto niya nga relihion. (Josue 24:15) Nagapati kami nga ang mga nagasimba sa Dios dapat maghimo sini sing kinabubut-on.Salmo 110:3; Mateo 22:37.

Magtuon sing Dugang Pa

Ginalikawan Bala sang mga Saksi ni Jehova ang mga Miembro Anay sang Ila Relihion?

Kon kaisa, may kinahanglan nga i-disfellowship, kag makabulig ini sa isa ka tawo nga magbalik sa kongregasyon.

Sin-o Gid Bala ang mga Saksi ni Jehova?

May kilala ka bala nga mga Saksi ni Jehova? Daw ano mo gid bala kami ka kilala?

Ginapabakod Bala Ukon Ginaguba sang mga Saksi ni Jehova ang mga Pamilya?

Ang mga Saksi ni Jehova ginaakusahan kon kaisa nga nagapangguba sang pamilya. Pero mga Saksi gid bala ang ginabangdan sang kagamo?