Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Paano Ginasuportahan sang mga Saksi ni Jehova ang Ila Hilikuton?

Paano Ginasuportahan sang mga Saksi ni Jehova ang Ila Hilikuton?

Ang amon pagwali nga hilikuton panguna nga ginasuportahan sang boluntaryo nga donasyon sang mga Saksi ni Jehova. Wala sing pagpangolekta sa amon mga miting, kag wala sing ginapangayo nga ikapulo sa amon mga miembro. (Mateo 10:7, 8) Sa baylo, may mga kahon para sa donasyon sa amon mga tilipunan agod kon gusto sang isa nga magdonar, makahulog sia diri. Wala ginapahibalo kon sin-o ang nag-amot.

Ang isa ka rason kon ngaa indi daku ang amon gasto amo nga wala kami sing ginasuelduhan nga mga lider. Wala man ginabayaran ang mga Saksi sa ila pagpamalaybalay, kag simple lang ang amon mga tilipunan sa pagsimba.

Ang mga donasyon nga ginapadala sa branch office sang mga Saksi ni Jehova ginagamit sa pagbulig sa mga biktima sang mga kalamidad, ginasuporta sa amon mga misyonero kag nagalakbay nga mga ministro, ginabulig sa pagpatindog sang mga tilipunan sa pagsimba sa imol nga mga pungsod, kag ginagasto sa pag-imprinta kag pagpadala sing mga Biblia kag iban pa nga Cristianong publikasyon.

Ang kada isa amo ang magadesisyon kon bala mahatag sia sing donasyon para sa lokal nga galastuhan ukon para sa hilikuton sa bilog nga kalibutan. Ang tanan nga kongregasyon may regular nga report sang ila ginagasto para mahibaluan sang ila mga miembro.

Magtuon sing Dugang Pa

Ipakita ang Imo Apresasyon sa Kaalwan ni Jehova

Ginpakita sang Biblia ang husto kag indi husto nga motibo sa paghatag sang aton tion, kusog, kag mga pagkabutang.

Video Clip: Kon Paano Ginasuportahan sang mga Saksi ni Jehova ang Ila Hilikuton

Tan-awa kon paano ginasuportahan ang hilikuton sa bilog nga kalibutan.