Magdiretso sa kaundan

Magdiretso sa secondary menu

Mga Saksi ni Jehova

Hiligaynon

Ano ang Pagtuon sa Biblia?

Ano ang Pagtuon sa Biblia?

Ang mga Saksi ni Jehova may ginatanyag nga programa sang pagtuon sa Biblia nga nagasabat sang madamo nga pamangkot, lakip ang masunod:

  • Sin-o ang Dios?

  • Nagaulikid gid bala ang Dios sa akon?

  • Paano mangin madinalag-on ang amon pag-asawahay?

  • Paano ako mangin malipayon?

Makita mo sa ubos ang mga sabat sa mga pirme ginapamangkot parte sa amon programa sa pagtuon sa Biblia.

Paano ginahimo ang pagtuon sa Biblia? Nagapili kami sing mga topiko subong sang “Dios” ukon “pag-asawahay” kag ginausisa namon ang lainlain nga bersikulo sa Biblia parte sa sini. Paagi sa pagkomparar sini nga mga bersikulo, makita namon kon ano ang ginasiling sang Biblia sa sini nga topiko, gani ang Biblia mismo ang magapaathag sang iya kaugalingon.

Para buligan kami sa pagtuon sa Biblia, ginagamit namon ang libro nga Ano Gid ang Ginatudlo Sang Biblia? Ginapaathag sini nga libro kon ano gid ang ginasiling sang Biblia parte sa Dios, kay Jesus, sa aton palaabuton, kag iban pa nga topiko.

Pila ang bayad sa pagtuon sa Biblia? Ang pagtuon libre, kag wala man sing bayad ang mga materyal nga ginagamit.

Daw ano kalawig ang kada pagtuon? Madamo nga tawo ang nagatigana sing isa ka oras ukon sobra pa kada semana sa pagtuon sa Biblia upod sa amon. Pero puede nga mas malawig ukon mas malip-ot ang pagtuon depende sa ginatugot sang imo iskedyul.

Ano ang matabo kon mangabay ako sing pagtuon sa Biblia? Kon mangabay ka sing isa ka pagtuon sa Biblia, kadtuan ka sang mga Saksi ni Jehova sa oras kag lugar nga ginpili mo. Ipakita niya sa imo sa sulod sang pila ka minuto kon paano magtuon. Kon magustuhan mo ini, puede ninyo ini padayunon.

Kon magsugot ako sa pagtuon sa Biblia, dapat gid bala nga mangin isa ako sa mga Saksi ni Jehova? Indi. Gusto gid sang mga Saksi ni Jehova nga tudluan ang mga tawo parte sa Biblia, pero wala namon ginapilit ang bisan sin-o nga mangin miembro sang amon relihion. Sa baylo, matinahuron namon nga ginapakita kon ano gid ang ginatudlo sang Biblia. Nahibaluan namon nga ang kada isa may kinamatarong nga magpili sang gusto niya patihan.—1 Pedro 3:15.