Magdiretso sa kaundan

Mga Cristiano Bala ang Mga Saksi ni Jehova?

Mga Cristiano Bala ang Mga Saksi ni Jehova?

Huo. Mga Cristiano kami bangod sa masunod nga mga rason:

  • Ginatinguhaan gid namon nga sundon ang mga panudlo kag paggawi ni Jesucristo.—1 Pedro 2:21.

  • Nagapati kami nga matigayon ang kaluwasan paagi kay Jesus, kag “wala sing iban nga ngalan sa idalom sang langit nga ginhatag sa mga tawo nga paagi sa iya dapat maluwas kita.”—Binuhatan 4:12.

  • Kon mag-Saksi ni Jehova ang mga tawo, ginabawtismuhan sila sa ngalan ni Jesus.—Mateo 28:18, 19.

  • Nagapangamuyo kami paagi sa ngalan ni Jesus.—Juan 15:16.

  • Nagapati kami nga si Jesus amo ang Ulo, ukon ang ginhatagan sing awtoridad nga maggahom sa tawo.—1 Corinto 11:3.

Pero, madamo kami sing kinatuhayan sa iban nga relihion nga ginatawag Cristiano. Halimbawa, nagapati kami nga ginatudlo sang Biblia nga si Jesus amo ang Anak sang Dios, kag indi sia bahin sang Trinidad. (Marcos 12:29) Wala kami nagapati nga ang kalag imortal. Wala kami nagapati nga ginasilutan sang Dios ang mga tawo sa wala katapusan nga impierno kay wala ini sa Kasulatan. Wala man kami nagapati nga ang mga lider sang relihion dapat may titulo nga nagahimo sa ila nga labaw sangsa iban nga miembro.—Manugwali 9:5; Ezequiel 18:4; Mateo 23:8-10.