Magdiretso sa kaundan

Magdiretso sa listahan sang kaundan

Dumaan nga Libro Para sa Moderno nga Pagkabuhi

Dumaan nga Libro Para sa Moderno nga Pagkabuhi

Madamo nga tawo ang nagatamod sa Biblia nga sagrado. Pero ang Biblia indi lang parte sa relihion. Makabulig man ini sa aton adlaw-adlaw nga pagkabuhi.

Halimbawa, talupangda ang ginasiling sang iban kon paano sila nakabenepisyo sa pagbasa sing Biblia kag sa pag-aplikar sang mga laygay sini sa ila kabuhi.

“Nangin mas maayo ang akon kabuhi. Nakabulig ini sa akon nga makontrol ang akon ginahunahuna kag ginabatyag. Nakabulig man ini sa akon nga mangin mas malipayon.”—Fiona.

“Paagi sa pagtuon sing Biblia, nabal-an ko nga may katuyuan kag may pulos ang akon kabuhi.”—Gnitko.

“Nag-uswag gid ang akon kabuhi. Wala ko na ginaubos ang akon tion sa trabaho amo nga madamo na ang akon tion para sa akon pamilya.”—Andrew.

Pila lang ini sa madamo nga eksperiensia. Nakit-an sang madamo nga tawo sa bilog nga kalibutan nga ang Biblia may mga laygay para sa adlaw-adlaw nga pagkabuhi.

Hibaluon naton kon paano ang Biblia makabulig sa mga tawo nga mangin mas maayo ang ila . . .

  • Panglawas

  • Emosyon

  • Relasyon sa pamilya kag mga abyan

  • Pag-uyat sing kuarta

  • Relasyon sa Dios

Ang masunod nga mga artikulo magapakita nga ang Biblia indi lamang isa ka sagrado nga libro kundi isa man ka libro nga may praktikal nga mga benepisyo.