Magdiretso sa kaundan

Magdiretso sa listahan sang kaundan

 Gindesinyo Bala Ini?

Ang Pagbutyog sang Salabay

Ang Pagbutyog sang Salabay

● Nobentay singko porsiento sang lawas sang salabay tubig. Lainlain ang kadakuon sini, halin sa 3 sentimetros asta sa 2 metros. Ang kalabanan nga espesyi sini nagahulag paagi sa paghugot kag pagrelaks sang ila lawas nga korte lingganay, pareho sang payong nga nagabukasbukas.

Binagbinaga: Nadiskobrehan sang mga sientipiko nga ang pila ka salabay mahinay maglangoy, pero may pinasahi ini nga paagi sa pagbutyog. Sa kada paghugot sang lawas sini, makahimo ini sing alimpulos sa tubig nga pareho sa ginpabilog nga aso, nga ginatulod sini palayo. Ang kadasigon sang alimpulos may puersa nga nagapaabante sa salabay pareho sang jet, pero indi sigesige kundi bal-utbal-ot. “Daw simple lang ini,” siling sang New Scientist nga magasin. “Pero ang paghimo sang alimpulos mabudlay kalkulahon.”

Ginatun-an sang mga researcher ang pagbutyog sang salabay para makahimo sila sing mas maayo nga mga salakyan sa idalom tubig. May isa ka researcher nga nakahimo na sang 1.2 metros nga submarino nga ang agi sa tubig pareho sa salabay. Ini nga submarino mas makinot sing 30 porsiento sa enerhiya kon ikomparar sa kinaandan nga submarino nga ginapadalagan sang elise. Ang isa pa nga mahimo gamitan sini nga pagtuon amo ang tagipusuon sang tawo. Bangod ang paghulag sang dugo sa isa ka bahin sang tagipusuon nagapatubas man sang mga alimpulos, ang abnormal nga alimpulos sa dugo mahimo nga tanda sang nagasugod pa lang nga balatian sa tagipusuon.

Ano sa banta mo? Ang pagbutyog bala sang salabay resulta sang ebolusyon? Ukon gindesinyo ini?

[Retrato sa pahina 13]

Ang salabay nagahimo sing alimpulos dayon ginatulod ini para makaabante

[Picture Credit Lines sa pahina 13]

Photo: © JUNIORS BILDARCHIV/age fotostock; graphic: Courtesy of Sean Colin