Magdiretso sa kaundan

Magdiretso sa listahan sang kaundan

4. Manilag Kon Nagakaon sa Gua

4. Manilag Kon Nagakaon sa Gua

 4. Manilag Kon Nagakaon sa Gua

Si Jeff nga 38 anyos, mapagros kag mapagsik. Sia kag ang iya pamilya nagkaon sa isa ka restawran malapit sa Pittsburgh, Pennsylvania, U.S.A. Pagligad sang isa ka bulan, napatay sia bangod sa sakit sa atay. Ang rason? Ang sibuyas nga ginlakot sa iya pagkaon may hepatitis A.

SA ISA ka pungsod sa Katundan, halos katunga sang badyet nila sa pagkaon ginagasto nila sa restawran. Pero sa sina man nga pungsod, ang pagkaon sa restawran amo ang kabangdanan sang halos katunga sang mga balatian nga halin sa pagkaon.

Matuod nga kon magkaon ka sa restawran, iban ang nagapanindahan, nagatinlo sang kusina, kag nagaluto. Pero, makapili ka gihapon kon diin ka makaon, ano ang imo kaunon, kag kon ano ang imo himuon sa sobra nga mga pagkaon.

Manilag.

“Kon first time namon nga magkaon sa isa ka restawran,” siling ni Daiane nga taga-Brazil, “ginatan-aw ko kon bala matinlo kag mahipid ang ila mga lamesa, mantel, kag mga kubyertos. Kon indi, nagapangita na lang kami sang iban nga restawran.” Sa iban nga pungsod, regular nga ginainspeksion sang mga health official ang katinlo sang mga restawran, kag ginapahibalo nila sa publiko ang resulta sini.

Maghalong kon magdala sang sobra nga pagkaon halin sa mga restawran.

Ang U. S. Food and Drug Administration naglaygay: “Kon sobra pa duha ka oras [dapat mas temprano kon ang temperatura mas mataas sa 32°C] antes ka makaabot sa inyo balay, indi na lang pagdal-a ang sobra nga pagkaon.” Kon dal-on mo ang sobra nga pagkaon, magpauli dayon kag ibutang ini sa repredyeritor.

Kon sundon mo ang apat ka paagi nga ginbinagbinag sa sini nga serye, malikawan mo ang balatian halin sa pagkaon.

[Kahon/Retrato sa pahina 7]

HANASA ANG IMO KABATAAN: “Ginatudluan namon ang kabataan nga indi pagkaunon ang daw delikado nga mga pagkaon.”—Noemi, Pilipinas