Magdiretso sa kaundan

Magdiretso sa listahan sang kaundan

May Pagkadibunayag Bisan Diin!

May Pagkadibunayag Bisan Diin!

 May Pagkadibunayag Bisan Diin!

Si Danny * nagaobra sa daku nga kompanya sa Hong Kong. Sang nagkadto sia sa pabrika sang potensial nga suplayer sang mga kinahanglanon sang ila kompanya, nagsiling sia nga basi indi nila malab-ot ang gusto sang ila kompanya nga kalidad sang mga produkto. Sang nanihapon sila sang manedyer sang pabrika, ginhatagan niya si Danny sing sobre nga nagaunod sing linibo ka dolyar (US) nga hamham. Katumbas ini sang iya isa ka tuig nga sueldo.

● Indi lang si Danny ang nakaeksperiensia sini. Sa bilog nga kalibutan, makapakibot nga nagadamo na gid ang mga indi bunayag. Halimbawa, ginapakita sang mga dokumento sa korte nga sang 2001 asta 2007, ang isa ka German nga kompanya naghamham sing 1.4 bilyones dolyares (US) para makakuha sang mga kontrata.

Ang kontrobersial nga mga iskandalo sa kompanya sining karon lang nagresulta sa pila ka pagbag-o, pero ang kahimtangan sa kabilugan nagalala. Natukiban sa pagtuon sang 2010 sang Transparency International nga sa bilog nga kalibutan “nagdamo ang korapsion sang nagligad nga tatlo ka tuig.”

Ngaa nagadamo na gid ang indi bunayag? Praktikal pa bala nga mangin bunayag? Pero paano? Mabuligan bala kita sang Biblia?

[Nota]

^ par. 2 Gin-islan ang iban nga ngalan sa sini nga serye.