Magdiretso sa kaundan

Magdiretso sa listahan sang kaundan

Ang Mahapos nga Paglangoy sang Salmon

Ang Mahapos nga Paglangoy sang Salmon

 May Nagdesinyo Bala Sini?

Ang Mahapos nga Paglangoy sang Salmon

● Para makapangitlog, madamo nga sahi sang salmon ang nagalangoy pailaya nga nagasugata sa masulog nga tubig. Paano nila ini nahimo nga wala ginakapoy? Imbes nga mabudlayan sa masulog nga tubig, ginapanginpuslan ini sang salmon. Paano?

Binagbinaga: Wala ginabatuan sang salmon ang sulog sang tubig. Kundi kon nagalangoy sila pailaya, wala sila nagapakapoy kay nagakadto sila sa mga vortex, ukon magagmay nga mga alimpuros sa kilid sang mga bato, sanga sang kahoy, kag iban pa nga butang sa tubig. Bangod nagaporma ang mga alimpuros sa kilid sang isa ka butang, ginakurba-kurba sini nga isda ang iya lawas para makapauyon sa tunga sang mga alimpuros. (Tan-awa ang diagram.) Ang iban nga luta sang isda nagapauyon sa mga alimpuros sa kilid sang iban nga isda nga nagalangoy sa atubangan nila. Daw subong bala nga nagasakay sila sa alimpuros. Bisan gani ang mga alimpuros sa kilid sang ila mismo nga lawas, ginapanginpuslan man sang mga isda!

Gusto sang mga researcher nga sundon ang mahapos nga paglangoy sang mga salmon para makakuha sang enerhiya sa mga tubig nga mahinay ang ilig. Ang kinaandan nga hydropower nga mga generator makakuha sing elektrisidad sa mga tubig nga nagailig sa kadasigon nga mga lima ka knot ukon 9.3 kilometros kada oras ukon mas madasig pa. Subong, ang isa ka prototype nga nagagamit sang vibration halin sa mga alimpuros, makakuha sang elektrisidad halin sa tubig nga nagailig sa mga duha lang ka knot. * Pero ini nga teknolohiya mapigaw gid kon ikumparar sa ikasarang sang salmon. “Sa sini nga bahin,” siling ni Professor Michael Bernitsas sang University of Michigan, U.S.A., “mas maalam pa ang isda sangsa amon.”

Ano sa banta mo? Natabuan lang bala ang mahapos nga paglangoy sang salmon sa masulog nga tubig? Ukon may nagdesinyo sini?

[Nota]

^ par. 5 Maayo ini kay ang kalabanan nga ilig sang tubig mas mahinay pa sa tatlo ka knot.

[Picture Credit Line sa pahina 25]

Top: © photolibrary. All rights reserved.