Magdiretso sa kaundan

Magdiretso sa listahan sang kaundan

Ang Mata sang Peacock Mantis Shrimp

Ang Mata sang Peacock Mantis Shrimp

 May Nagdesinyo Bala Sini?

Ang Mata sang Peacock Mantis Shrimp

● Ang peacock mantis shrimp makita sa Great Barrier Reef sang Australia. Amo ini ang sapat nga may pinakakomplikado nga panan-aw. “Pinasahi gid ini,” siling ni Dr. Nicholas Roberts. “Mas maayo gid ini sangsa bisan ano nga nahimo sang tawo.”

Binagbinaga: Makita sang peacock mantis shrimp ang polarized light kag maproseso ini sa paagi nga indi mahimo sang tawo. Ang polarized light waves mahimo maghulag sing matadlong ukon daw nagatiyog nga screw. Indi pareho sa iban nga tinuga, indi lamang sini makita ang hulag sang polarized light kundi puede pa niya ini mabaylobaylo. Bangod sini, mas maayo ang panan-aw sang peacock mantis shrimp.

Amo man sini ang mga DVD player. Para maproseso ang impormasyon, ang polarized light dapat himuon sang DVD player nga daw nagatiyog nga screw pakadto sa disc dayon himuon naman ini nga matadlong pabalik. Pero indi lamang amo sini ang masarangan sang peacock mantis shrimp. Pula lang nga kapawa ang gina-convert sang ordinaryo nga DVD player ukon blue sa mas maayo nga klase nga DVD. Pero ma-convert sang mata sang peacock mantis shrimp ang tanan nga makita nga kolor.

Nagapati ang mga researcher nga kon sundon sang mga engineer ang mata sini, makahimo sila sing DVD player nga maka-play sang disc nga nagaunod sing mas madamo nga impormasyon sangsa mga DVD subong. “Dalayawon gid kay matahom ini pero simple,” siling ni Roberts. “Mas maayo ini diindiin sa bisan ano nga gamit nga gintilawan namon nga himuon.”

Ano sa banta mo? Natabuan lang bala ang pinasahi nga mata sang peacock mantis shrimp? Ukon may nagdesinyo sini?

[Picture Credit Line sa pahina 24]

Courtesy Stephen Childs