Magdiretso sa kaundan

Magdiretso sa listahan sang kaundan

Ang Pakpak sang Tumbaktumbak

Ang Pakpak sang Tumbaktumbak

 May Nagdesinyo Bala Sini?

Ang Pakpak sang Tumbaktumbak

● Ang pila ka tumbaktumbak ukon sitsiritan makalupad sa sulod sang 30 segundos nga wala nagakapaykapay. Paano nila ini mahimo? Madali makalusot ang hangin sa pakpak sini, indi pareho sa pakpak sang eroplano!

Binagbinaga: Ang tuman kanipis nga pakpak sang tumbaktumbak may pilopilo amo nga wala ini nagabawod. Nadiskobrehan man sang mga sientipiko nga bangod sini nga mga pilopilo, mahapos para sa tumbaktumbak ang pagpabilin sa hangin bisan wala nagakapaykapay. “Makaagi ang hangin sa igutlan sining mga pilopilo, amo nga may mga bahin ini nga indi gawa sulong sa hangin,” siling sang magasin nga New Scientist.

Sang matun-an nila ang pakpak sang tumbaktumbak, ang aerospace engineer nga si Abel Vargas kag ang iya mga kaupod nagsiling nga “ang mga pakpak nga gin-ilog sa buhi nga mga butang importante gid sa pagdesinyo sang magagmay nga mga aparato nga nagalupad.” Daku gid ang mabulig sining daw palad kadaku nga nagalupad nga mga robot kon butangan ini sing kamera ukon iban pa nga kagamitan. Makakuha ini sing impormasyon sa mga lugar diin may natabo nga trahedya ukon makamonitor sang polusyon.

Ano sa banta mo? Natabuan lang bala ang tuman kanipis kag may pilopilo nga pakpak sang tumbaktumbak? Ukon may nagdesinyo sini?

[Retrato sa pahina 25]

Ining tumbaktumbak nga aparato nagabug-at sing 120 miligramo (.004 onsa), nagalapad sing anom ka sentimetros (2.4 pulgada), kag may tuman kanipis nga silicon nga pakpak nga nagakapaykapay kon paandaron sang koryente

[Credit Line]

© Philippe Psaila/Photo Researchers, Inc.