Magdiretso sa kaundan

Magdiretso sa listahan sang kaundan

Ginakulang Ka Bala sa Oras?

Ginakulang Ka Bala sa Oras?

 Ginakulang Ka Bala sa Oras?

KON gintsekan mo ang ikaduha ukon ikatlo nga sabat sa mga pamangkot sa tuo, mahimo nga kulang gid man ang imo oras. Pero indi lang ikaw, kay halos bisan diin ang mga tawo daw pirme lang ginalagas sang mga obra nga dapat nila tapuson. Ini nga mga obra mahimo nga indi gid man ang pinakaimportante sa ila. Sa baylo, mga ulubrahon lang ini nga kinahanglan dayon hatagan sing atension pareho sang pagkay-o sang salakyan, pagtuman sa amo, ukon mga disturbo. Samtang ginahimo mo ini nga mga obra, mahimo nagabatyag ka nga indi mo na kontrolado ang imo oras. Mahimo pa gani magligad ang mga inoras nga wala mo matalupangdan.

Siempre, ginapapati mo ang imo kaugalingon nga temporaryo lang ini. Sa ulihi, magatulutawhay ka kag may tion ka na nga himuon ang mga butang nga importante sa imo, mga butang nga nagapahilapay sa imo, sa imo pamilya, kag sa iban. Pero san-o pa? May bakante bala ang imo iskedyul subong? Sa sini nga semana? Ukon sa masunod nga bulan?

Ang matuod, wala gid nagauntat ang kasakuon sang kalibutan. Pero, may mga paagi para mapaigo mo ang imo oras. Paano mo ini himuon?

[Kahon sa pahina 3]

Daw ano mo kasunson mahimo ang mga butang nga importante sa imo?

Kada adlaw

Kon Sabado kag Domingo

Wala gid

Kada adlaw,

Ginasunod mo bala ang imo plano?

Ginasunod mo bala ang ginapahimo sa imo bisan wala ini sa imo plano?

Ginahimo bala dayon ang bisan ano nga mag-abot nga obra?

Kada adlaw, nagabatyag ka bala nga

Kontrolado mo ang imo sitwasyon?

Ginakapoy ka kay ginapilit ka nga himuon ang pila ka ulubrahon?

Indi mo kontrolado ang imo kabuhi kag kadamo sang imo obra?

Pagkatapos sang isa ka adlaw,

Nahimo mo bala ang importante nga mga butang?

Natapos mo bala ang imo ulubrahon, pero daw gindalidali mo lang?

Wala mo bala mahimo ang importante nga ulubrahon?

Ano ang ginabatyag mo pagkatapos sang isa ka adlaw?

Nalipay gid kag kontento

Wala sing hinimuan, kapoy, kag tensionado

Naugot