Magdiretso sa kaundan

Magdiretso sa listahan sang kaundan

Ginrekomendar Ini sang Iya Maestra

Ginrekomendar Ini sang Iya Maestra

 Ginrekomendar Ini sang Iya Maestra

▪ Sa diin makakita ang mga pamatan-on sang masaligan nga laygay? Ang 13 anyos nga si Cheren, sa Italya, nanamian gid sa libro nga Questions Young People Ask—Answers That Work. Sining karon lang, ginsugid niya sa iya mga klasmeyt ang iya nabasahan sa libro.

“Grade 8 na ako,” siling niya, “kag gin-discuss namon sa klase ang mga problema nga kinaandan sa mga pamatan-on. Isa ka adlaw, ginpalapitan ako sang akon maestra, kag nagsiling sia nga nabatian niya nga ang aton mga publikasyon nagabulig sa mga pamatan-on. Ginpangabay niya ako kon puede ko sia makuhaan sang pila sa sini. Gani, ginhatagan ko sia sang libro nga Young People Ask.

“Pagligad sang pila ka adlaw, gingamit niya ang libro, kag gin-discuss niya sa amon klase ang kapitulo 10, nga natig-uluhan, ‘How Important Are Looks?’ Naghatag pa gani sia sang asaynment base sa ‘Questions for Discussion’ sa katapusan sang kapitulo. Nagsiling sia, ‘Maayo gid ini nga libro, dapat tanan kamo may kopya sini.’

“Nagsiling ako nga hatagan ko sing kopya ang mga interesado sa sini, kag 16 sa akon mga klasmeyt ang nagpangabay sini nga libro. Sang gindala ko na ang mga libro, ang mga estudyante nga sadto anay indi interesado, nagdesisyon nga magkuha man sing kopya!”

Ang libro nga Young People Ask may mga kapitulo man subong sang “Why Do I Get So Depressed?,” “How Do I Know If It’s Real Love?,” “Why Say No to Drugs?,” kag “How Can I Control My TV Viewing Habits?” Makapangabay ka sing kopya paagi sa pagsulat sa kaupod nga kupon kag ipadala ini sa adres nga makita sa ubos ukon sa nagakaigo nga adres sa pahina 5 sini nga magasin.