Magdiretso sa kaundan

Magdiretso sa listahan sang kaundan

Ginakapoy nga mga Estudyante

Ginakapoy nga mga Estudyante

 Ginakapoy nga mga Estudyante

ANG DISISIETE ANYOS nga si Jennifer pirme may pinakamataas nga grado sa ila klase. Madamo sia sing ginaentrahan nga ekstrakurikular nga mga aktibidades kag nanamian gid sa iya ang ila mga maestro, maestra kag ang ila guidance counselor. Pero sa tuig antes sang ila gradwasyon, nagsinakit ang iya ulo kag pirme lang sia nagasuka. Para sa iya, bangod ini sa iya inoras nga pagpamensar sing todo sa ila mga tulun-an sa eskwelahan kag sa kakulang sing tulog.

Indi lang si Jennifer ang nakaeksperiensia sini. Nagadamo na gid ang mga estudyante nga gina-stress ukon ginakapoy bangod sa ila hilimuon sa eskwelahan, kag ang pila sa ila nagapadoktor na. Bangod sini, ang isa ka grupo sang mga edukador sa Amerika naghimo sing programa agod mabuhinbuhinan ang mga kabudlayan nga ginaatubang sang mga estudyante sa eskwelahan. Gintawag ini nga programa nga Challenge Success.

Kon ikaw isa ka estudyante, mahimo nga pareho kamo sing problema ni Jennifer. Ukon kon ikaw isa ka ginikanan, mahimo nga makita mo ang mga kabudlayan nga ginaantos sang imo kabataan agod makatapos sa pag-eskwela. May epektibo bala nga laygay nga makabulig sa mga estudyante kag mga ginikanan parte sa sini?