Magdiretso sa kaundan

Magdiretso sa listahan sang kaundan

Ang Indi Mabasa nga Dahon sang Lotus

Ang Indi Mabasa nga Dahon sang Lotus

 Gindesinyo Bala Ini?

Ang Indi Mabasa nga Dahon sang Lotus

▪ Baso nga plastik nga indi na kinahanglan hugasan? Mga bintana nga mala gihapon bisan ginaulanan? Tuman ka gagmay nga mga makinarya nga nagaandar nga halos wala sing friction? Pila lamang ini sa mga benepisyo kon madiskobrehan naton ang sekreto sang dahon sang lotus, siling sang mga scientist.

Binagbinaga: Ang dahon sang lotus naputos sang tuman ka gamay nga mga ulbo-ulbo nga daw nagakulob nga mga paya, kag naputos man ini sang mga wax. Bangod sini, ang tubig indi makapanalupsop sa dahon, gani indi ini mabasa. Bangod sa mga nagaulbo nga bahin sang dahon, nagadalhay lang ang tubig amo nga indi ini makapanalupsop. Ano ang resulta? Indi lamang mamala ang dahon sang lotus, kundi matinlo man ini kay ang higko kag yab-ok madala sang nagailig nga tubig.

Gusto ilugon sang mga scientist ang pagkadesinyo sang indi mabasa nga dahon sang lotus. Bisan ang tuman ka gamay nga mga makinarya nga dali maguba sang tubig, makapanginpulos sa sini kon mailog ang desinyo sang dahon sang lotus. “Indi maisip ang mahimo nga magamitan sini,” report sang Science Daily.

Ano sa banta mo? Natabuan lang bala ang dahon sang lotus? Ukon may nagdesinyo sini?