Magdiretso sa kaundan

Magdiretso sa listahan sang kaundan

Ang Ikasarang sang Alibangbang sa Paglakbay

Ang Ikasarang sang Alibangbang sa Paglakbay

 Gindesinyo Bala Ini?

Ang Ikasarang sang Alibangbang sa Paglakbay

▪ Paagi sa paggamit sang utok nga pareho lang kadaku sang bolitas sang bolpen, ang monarch nga alibangbang makalakbay sa kalayuon nga 3,000 kilometros halin sa Canada pakadto sa talon sang Mexico. Ngaa wala nagatalang ini nga insekto?

Binagbinaga: Ang mga monarch nga alibangbang may kaugalingon nga kompas nga nagatudlo sang direksion basi sa posisyon sang adlaw. Apang indi lamang amo sini. Ini nga insekto nagagamit man sang puerte ka sibu nga circadian clock, ukon orasan sa iya kaugalingon nga lawas nga mahimo niya mapasibu basi sa kataason sang adlaw. Ang doktor sa utok nga si Steven Reppert nagsiling nga ini nga alibangbang “may pinasahi nga paagi sa paghibalo sang oras kon ikumparar sa iban nga mga insekto kag mga kasapatan nga ila na natun-an.”

Ang dugang nga ihibalo kon paano mahibaluan sang monarch nga alibangbang ang oras mahimo makabulig sa mga sientipiko nga mahibaluan pa gid sing dugang ang circadian clock sang tawo kag mga sapat. Mahimo man ini makabulig sa pagtukib sang bag-o nga mga pamaagi sa pagbulong sang utok. “Gusto ko mahibaluan kon paano nagabaton kag nagaproseso ang utok sang impormasyon tuhoy sa oras kag tion,” siling ni Reppert, “kag maayo gid eksperimentuhan ang monarch nga alibangbang.”

Ano sa banta mo? Natabuan lamang bala ang ikasarang sang monarch nga alibangbang sa paglakbay? Ukon pamatuod ini sang isa ka maalam nga Desinyador?

[Diagram/​Mapa sa pahina 10]

(Para sa aktual nga format, tan-awa ang publikasyon)

Ang monarch nga alibangbang makalakbay sa kalayuon nga 3,000 kilometros halin sa Canada pakadto sa talon sang Mexico

[Mapa]

CANADA

ESTADOS UNIDOS SANG AMERIKA

MEXICO

MEXICO CITY

[Credit Line sang retrato sa pahina 10]

Background: © Fritz Poelking/​age fotostock