Magdiretso sa kaundan

Magdiretso sa listahan sang kaundan

Naga-Internet Bala ang Imo Bata?

Naga-Internet Bala ang Imo Bata?

 Naga-Internet Bala ang Imo Bata?

SA BISAN ano nga oras, minilyon ka kabataan ang naga-internet sa ila puluy-an, sa eskwelahan, sa balay sang ila abyan, ukon sa halos bisan diin kon ang ila madaladala nga elektroniko nga mga gadyet ukon cell phone may Internet. Kon ikaw ginikanan, daku ang imo problema: Mas sagad ang imo kabataan sangsa imo sa Internet, kag mahimo nila taguon sa imo ang ila ginahimo sa Internet.

Dapat gid bala ini kabalak-an? Huo. Apang may yara pa sing solusyon. Matuod nga kon tuhoy sa Internet, daw tumandok ang imo bata kag ikaw naman pangayaw lang. Apang bisan daw nabudlayan ka gid sa Internet, sarang mo ini matun-an. Kag indi na kinahanglan nga mangin eksperto ka sa sini agod maamligan mo ang imo bata.

Ini nga serye sang artikulo magaaman sa imo sing pila ka mapuslanon nga ihibalo. Apang binagbinagon naton anay ang pila ka katalagman nga mahimo maatubang sang imo bata sa Internet.

[Blurb sa pahina 3]

Halos katunga sang pamatan-on sa Canada ang maka-internet sa ila mismo cell phone