Magdiretso sa kaundan

Magdiretso sa listahan sang kaundan

Mas Maayo Bala ang Imo Panglawas kon Positibo Ka?

Mas Maayo Bala ang Imo Panglawas kon Positibo Ka?

 Mas Maayo Bala ang Imo Panglawas kon Positibo Ka?

“Ang tagiposoon nga malipayon maayo nga bolong,” sulat sang isa ka maalam nga hari sa Israel mga 3,000 ka tuig na ang nagligad. (Hulubaton 17:22) Ining mga pinamulong halin sa Biblia ginabaton na sang mga doktor karon. Apang indi naton dayon matigayon ang “tagiposoon nga malipayon.”

Pila lang sa aton ang makalikaw sa mga pag-ipit sang pagkabuhi kada adlaw, nga magaresulta sa kahuol kag negatibo nga pagtamod. Apang ginpakita sang mga pagpanalawsaw sining karon lang nga walay sapayan sang mga kabudlayan, takus nga palambuon ang pagkapositibo.

Ang pagkapositibo ginalaragway subong “malaumon nga pagtamod ukon panghunahuna; isa ka huyog nga magpaabot sing maayo nga resulta.” Kon ang positibo nga tawo mapaslawan, ano ang iya ginabatyag? Wala niya ginatamod ang kapaslawan nga permanente. Apang indi buot silingon nga ginapanghiwala niya ang katunayan. Sa baylo, ginabaton niya kag ginausisa ang kahimtangan. Nian kon may kahigayunan, nagatinguha sia agod bag-uhon ukon pauswagon ang kahimtangan.

Sa pihak nga bahin, ang negatibo naman nga tawo pirme nagabasol sa iya kaugalingon kon may kabudlayan. Ginakabig niya nga permanente ang makapahuol nga kahimtangan kag bangod ini sang iya kabuangan, di-kasangkol, ukon bangod malaw-ay sia. Subong resulta, ginabaton na lang niya ang iya kapaslawan.

Ang pagkapositibo bala nagaapektar sang aton panglawas kag kalipay? Huo. Sa 30 ka tuig nga pagtuon sa 800 ka pasyente nga ginhimo sang Mayo Clinic sa Rochester, Minnesota, Estados Unidos, nasapwan sang mga sientista nga ang mga tawo nga may positibo nga pagtamod may mas maayo nga panglawas kag mas malawig sing kabuhi. Natalupangdan man sang mga manugpanalawsaw nga mas madali malandas sang mga tawo nga may positibo nga pagtamod ang kahuol kag indi sila madali mapung-awan.

Apang indi man mahapos nga mangin positibo ka sa kalibutan karon nga nagadamo pa gid ang problema. Indi katingalahan nga madamo ang nabudlayan nga maghunahuna sing positibo. Ano ang sarang mahimo agod malandas ini nga problema? Sa kaupod nga kahon, may masapwan ka nga mga ideya nga makabulig sa imo.

Samtang ang malipayon nga disposisyon indi makalubad sang tanan nga problema, makaamot ini sa mas maayo nga panglawas kag mas makaalayaw nga pagkabuhi. Ang Biblia nagsiling: “Ang tanan nga adlaw sang napiotan malaut, apang ang malipayon sing tagiposoon may dalayon nga piesta.”—Hulubaton 15:15.

(Note: The article below is missing)

[Box/​Picture on page 26]

Some Suggestions for Being More Optimistic *

▪ When you find yourself thinking that you won’t enjoy something or you won’t succeed in some project, reject the thought. Focus on the positive.

▪ Try to enjoy your work. Regardless of your job, look for aspects that you find satisfying.

▪ Look for friends who view life positively.

▪ Deal with the situations that you can control; try to accept those you cannot.

▪ Every day, write down three good things that happened to you.

[Footnote]

^ par. 11 The above list is partly based on a publication prepared by the Mayo Clinic.