Magdiretso sa kaundan

Magdiretso sa listahan sang kaundan

Gikan sa Amon mga Bumalasa

Gikan sa Amon mga Bumalasa

 Gikan sa Amon mga Bumalasa

Pamangkot sang mga Pamatan-on . . . Ngaa Kinahanglan Ako nga Magbasa? (Mayo 2006) Kinse anyos ako, kag daku gid ang nabulig sini nga artikulo sa akon. Gindala ko ang magasin sa eskwelahan kag nakita ini sang akon maestra. Sa amon klase naghambal sia tuhoy sa mga batasan sa pagbasa kag ginpakita niya ang Magmata! sa akon mga klasmeyt. Nagsiling sia nga naluyagan gid niya ang pagbasa sang artikulo, kag ginrekomendar niya nga basahon man ini sang tanan.

D.A.C., Brazil

Sang una, masami nga ang mga topiko nga naluyagan ko lang ang ginabasa ko sa mga magasin. Sa karon, ginapanikasugan ko na gid nga basahon ang tagsa ka artikulo, bisan pa nga sa primero daw indi ako interesado sa sini. Natalupangdan ko nga ang mga artikulo nga sa primero indi ako interesado amo sa masami ang maluyagan ko. Madamo gid nga salamat.

E. G., Estados Unidos

Nalipay gid ako nga mahibaluan nga madamo nga pamatan-on karon ang kaangay ko anay. Ginbawtismuhan ako sa edad nga 14 kag 40 anyos na ako karon. Sugod pa sang antes ako nabawtismuhan, ginhimo ko man nga batasan nga magbasa sang pila ka pahina sang Ang Lalantawan ukon Magmata! kada adlaw. Sa banta ko bangod sini nga batasan amo nga nabasa ko ang tanan nga artikulo kag nahuptan ko ang akon espirituwalidad.

S. O., Japan

Michael Servetus—Nagaisahanon sa Pagpangita sang Kamatuoran (Mayo 2006) Madamo gid nga salamat sa sining bag-o kag mapuslanon nga impormasyon. Nagpalig-on gid ini sa akon nga padayunon ang pagbantala kag pagpangapin sa ngalan ni Jehova.

M. R., Brazil

Madamo ang nakakilala kay Servetus subong prominente nga tawo sa patag sang medisina. Apang, ginsugid sang artikulo ang iban pa dalayawon nga bahin sang personalidad sini nga iskolar, subong sang iya pagkasinsero kag pagpangita sing kamatuoran. Salamat sa pagbalhag sini nga artikulo.

M. J., Espanya

Importante Gid ang Pagpamati sa mga Paandam (Hunyo 2006) Makalilipay gid ang mangin bahin sang mahigugmaon nga organisasyon ni Jehova. Luyag ko ipabutyag ang akon tinagipusuon nga pagpasalamat sa tanan nga kauturan nga nagbulig sa pagkay-o sang akon balay nga ginguba sang Bagyo Katrina. Isa na ini karon ka puluy-an nga pamatuod sang ila gugma.

I.  F., Estados Unidos

Seda—“Ang Reyna sang mga Nahot” (Hunyo 2006) Halin sang bata pa ako, ginapalibugan ko na kon paano ginahimo ang seda. Tuman gid ang akon kalangkag sang makita ko ini nga artikulo sa Magmata! Nanamian gid ako sa sini, kag nagdugang gid ini sa akon apresasyon sa mga tinuga ni Jehova.

A.C.L., Brazil

Key Warning Signs of Malignant Melanoma (Hunyo 8, 2005 nga Awake!) Gingamit ko ang de-kolor nga mga laragway nga kaupod sang artikulo, gani nausisa ko ang akon kaugalingon kag natukiban ko ang di-kinaandan, itom nga bukol nga isa gali ka malubha nga melanoma. Maayo lang naoperahan ini kag nakuha samtang indi pa malala. Tinagipusuon gid ang akon pagpasalamat kay Jehova sa sining praktikal nga impormasyon.

K. N., Japan