Magdiretso sa kaundan

Magdiretso sa listahan sang kaundan

Ang Mataas nga mga Bilding Ginapatindog Gihapon sa Asia

Ang Mataas nga mga Bilding Ginapatindog Gihapon sa Asia

 Ang Mataas nga mga Bilding Ginapatindog Gihapon sa Asia

“May yara anom ka mataas nga mga bilding nga ginaplano karon nga mangin mas mataas pa sa ginapabugal anay nga 419-metros nga World Trade Center,” siling sang The Wall Street Journal. “Ini tanan yara sa Asia.” Ang Journal nagdugang nga ang “20-ka-tuig nga pagsalimuang sa tuman kataas nga mga bilding nagapadayon” didto.

Ang tuman kataas nga mga bilding magapangibabaw sa mga siudad sa China, Korea, kag Taiwan. “Ang handum nga malab-ot ang langit natanom gid sa amon hunahuna,” siling ni Cesar Pelli, arkitekto sang mga bilding nga amo sa karon ang pinakamataas sa kalibutan, ang kapid nga Petronas Towers sa Kuala Lumpur, Malaysia. “Sugod sang Torre sang Babel, yara gid ang handum nga magbutang sing tanda didto sa langit.”

Ang mga enhinyero nagahatag sing dugang pa nga mga pagpangandam para sa kaluwasan. Nagalakip ini sang yara sa guwa nga “dalangpan nga mga panalgan” kada 10 tubtob 12 ka panalgan, mas mabakod nga core ukon tindugon nga espasyo para sa hagdanan, elebeytor, kbp., pasagi nga nagakonektar sang core sa dalagku nga pangguwa nga mga haligi ukon nagapalibot sa bilding, kag dugang pa nga mga hagdanan kon may sunog, nga nagalapad paidalom sang bilding agod mas madamo nga tawo ang makaigo.

Sa karon, may yara mga duha ka dosena ka maistaran nga bilding sa kalibutan nga kapin sa 300 metros, kag kapin sa katunga sini ang yara sa Asia. “Apang nagaugyon ang mga eksperto nga haluson nga kinahanglanon gid ang bisan ano nga bilding nga kapin sa 60 ka panalgan,” siling sang Journal.

[Retrato sa pahina 20]

Sa 452 metros nga kataason, ang Petronas Towers amo ang pinakamataas sa kalibutan

[Tsart/Mga retrato sa pahina 20]

(Para sa aktual nga pormat, tan-awa ang publikasyon)

Ang kataason sang bilding nagalakip sang pangdekorasyon nga mga torre apang indi sang antena.

143 metros 2500 B.⁠C.⁠E. Piramide sang Khafre, Giza, Egipto

300 metros 1889 Eiffel Tower, Paris, Pransia

348 metros 1997 T & C Tower, Kaohsiung, Taiwan

369 metros 1989 Bank of China, Hong Kong, China

381 metros 1931 Empire State Building, New York, Estados Unidos

442 metros 1974 Sears Tower, Chicago, Estados Unidos

452 metros 1997 Petronas Towers, Kuala Lumpur, Malaysia

460 metros (Ginaplano para sa 2007) Shanghai World Financial Center, Shanghai, China

508 metros (Mahuman sa 2003) Taipei Financial Center, Taipei, Taiwan

[Credit Line]

All sketches: Courtesy SkyscraperPage.com