SANG 2013, ang amon gamay nga kongregasyon sa Tugala Oyo nakabati sing makakulunyag nga balita—patindugan kami sang bag-o nga Kingdom Hall! Ang lokal nga mga opisyal nagpasugot sa proyekto, kag 60 ka kaingod namon ang nagpirma sa pangabay nga aprobahan ini. Ang isa ka kaingod nagsiling sa amon, “Kon gusto ninyo sing 200 ka pirma, makuha ninyo ini.”

Nag-abot ang duha ka eksperiensiado nga boluntaryo sa pagpatindog sang Kingdom Hall agod dumalahan ang pagtukod sini, nga nahuman sang Nobiembre 2014. Wala gid namon ginapaabot nga makabaton kami sining matahom nga duog sang pagsimba. Ang matuod, ginsorpresa gid kami ni Jehova!