Habacuc 3:1-19
3 Ang pangamuyo ni Habacuc nga manalagna, nga may mga panalambiton:*
2 O Jehova, nabatian ko ang balita tuhoy sa imo.
O Jehova, nahayanghag ako tungod sang imo mga ginhimo.
Sa imo gintalana nga tion,* himua ini liwat!
Sa imo gintalana nga tion,* ipakita ini liwat.
Kabay pa nga kaluy-an mo kami sa tion sang imo kaakig.+
3 Ang Dios nag-abot halin sa Teman,Ang Isa nga Balaan halin sa Bukid Paran.+ (Selah)*
Ang iya himaya nagtabon sa langit;+Napuno ang duta sang iya kadayawan.
4 Ang iya kasanag daw pareho sang silak sang adlaw.+
May duha ka silak halin sa iya kamot,Diin natago ang iya kusog.
5 Ang balatian nagauna sa iya,+Kag ang mataas nga hilanat nagasunod sa iya.
6 Nagdulog sia kag gintay-ug ang duta.+
Nagtulok sia kag nagkurog sa kahadlok ang mga pungsod.+
Nadugmok ang mga bukid nga daw magapabilin sing dayon,Kag nagduko ang madugay na nga mga bakulod.+
Amo ini ang iya dalanon sang una.
7 Nakita ko nga ginakulbaan ang mga tolda sang Cusan.
Nagkurog ang mga tolda sang duta sang Midian.+
8 Batok bala sa mga suba, O Jehova,Batok bala sa mga suba ang imo daku nga kaakig?
Ukon batok bala sa dagat ang imo kaalipungot?+
Kay nagsakay ka sa imo mga kabayo;+Nagdaug* ang imo mga kangga.+
9 Ginkuha mo ang imo pana sa baslayan kag ginhanda.
Ang mga bilugon* gintangdo nga may panumpa.* (Selah)
Paagi sa mga suba gintunga mo ang duta.
10 Naglubid sa kasakit ang mga bukid sang makita ka sini.+
Nag-agi ang mabaskog nga bagyo.
Nagdaguhob ang dagat.+
Nagsumpit ang tubig sini paibabaw.
11 Nagpundo ang adlaw kag ang bulan sa langit.+
Ang imo mga baslay nagasibad nga daw kasanag.+
Ang imo bangkaw nagakirab nga daw kilat.
12 Ginlatas mo ang duta nga may kaalipungot.
Sa kaakig gintasak* mo ang mga pungsod.
13 Naggua ka agod luwason ang imo katawhan, agod luwason ang imo hinaplas.
Gindugmok mo ang lider* sang balay sang malauton.
Ginguba mo ini halin sa pundasyon tubtob sa ibabaw.* (Selah)
14 Ginpatay mo ang iya mga hangaway kag gingamit mo ang ila mismo mga armas*Sang ginsalakay nila ako pareho sang bagyo.
Nagapanago sila kag nagapanglambat agod laglagon ang makaluluoy, kag nalipay gid sila sa sini.
15 Upod ang imo mga kabayo nag-agi ka sa dagat,Sa tunga sang malapad nga katubigan.
16 Pagkabati ko sang mensahe, nagkurog ako;*Kag nagpalangurog ang akon bibig.
Nagpalangluya ang akon mga tul-an;+Nagpalangurog ang akon mga batiis.
Apang ginahulat ko sing hipos ang adlaw sang kalisdanan,+Kay magaabot ini sa katawhan nga nagasalakay sa amon.
17 Bisan pa indi magpamulak ang kahoy nga higuera,Kag wala sing bunga ang mga ubas;Bisan pa indi magpamunga ang olibo,Kag indi magpatubas ang mga talamnan;Bisan pa ang mga karnero madula sa toril,Kag wala na sing mga baka sa toril;
18 Magahugyaw ako gihapon tungod kay Jehova;Magakalipay ako sa Dios nga magaluwas sa akon.+
19 Ang Soberanong Ginuong Jehova amo ang akon kusog;+Padasigon niya ang akon mga tiil pareho sang tiil sang usa,Kag palakton niya ako sa mataas nga mga lugar.+
Footnote
^ Ukon “ambahanon sang paglalaw.”
^ Sa literal, “Sa tunga sang mga tuig.”
^ Sa literal, “Sa tunga sang mga tuig.”
^ Ukon “Kaluwasan.”
^ Ukon mahimo, “baslay.”
^ Ukon mahimo, “Nagpanumpa ang mga tribo.”
^ Sa literal, “ginlinas.”
^ Sa literal, “ulo.”
^ Sa literal, “liog.”
^ Sa literal, “sungkod.”
^ Sa literal, “nagkurog ang akon tiyan.”