Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

DISIEMBRE 9, 2015
UNITED STATES

Natapos Na sang mga Saksi ni Jehova ang Pinakadaku nga Bahin sang Bag-o nga World Headquarters

Natapos Na sang mga Saksi ni Jehova ang Pinakadaku nga Bahin sang Bag-o nga World Headquarters

NEW YORK—Sugod sang Agosto asta Oktubre 2015, masako gid ang pagpatindog sang mga Saksi ni Jehova sang ila world headquarters sa Warwick, New York. Kada adlaw, 3,800 ka boluntaryo ang nagabulig sa sini nga proyekto.

Sa pinakamasako nga bahin sang konstruksion, mga 40 ka bus ang ginasakyan sang mga 3,800 ka boluntaryo pakadto-pauli sa site kada adlaw.

Mga walo ka temporaryo nga dining room ang gingamit para sa mga boluntaryo.

Sugod sang gin-umpisahan ini sang Hulyo 2013, sobra 18,000 ka Saksi halin sa tanan nga estado pati sa Alaska kag Hawaii ang nagkadto para mag-obra sa sini nga proyekto. Ginabulubanta nga mga 400-500 ka manug-obra ang nagaabot kada weekend, pero naglambot pa gid ini sa sobra 700 sa pinakamasako nga bahin sang konstruksion. Ang kalabanan nga boluntaryo nagpa-asayn sa mga obra nga nagalawig sing isa asta apat ka semana.

Si Richard Devine, nga tsirman sang Warwick Construction Project Committee (CPC) sang mga Saksi, nagsiling: “Linibo ang tawo diri kada adlaw, gani gutok sa site. Para mangin organisado, ginbuhinan sing mga 400 ang nagaobra kon adlaw, kag ginsaylo sila sa alas tres sang hapon asta sa alas dos sang kaagahon nga shift.” Ining ikaduha nga shift nag-obra halin sang Mayo asta Septiembre.

Ang pagtunod sang adlaw kon tan-awon halin sa entrance sang bag-o nga world headquarters sang mga Saksi.

Ang CPC nagreport nga duha sa apat ka residence building ang matapos sa Enero 2016, base sa plano. Pero, suno kay Mr. Devine, “ang kabilugan nga proyekto abanse sing apat ka bulan sa iskedyul, kag bangod ini sa organisado kaayo nga pagbuligay.” Ang nabilin nga mga bilding para sa residence, opisina, kag maintenance, naiskedyul nga matapos sa Septiembre 1, 2016.

Ang aerial view sang site sang bag-o nga world headquarters.

Media Contact(s):

International: J. R. Brown, Office of Public Information, tel. +1 718 560 5000