Magdiretso sa kaundan

Magdiretso sa segundaryo nga menu

Mga Saksi ni Jehova

Hiligaynon

DISIEMBRE 7, 2015
UNITED STATES

Ginsugdan Na sang mga Saksi ang Ginahulat nga Pagbaligya sang Ila mga Propiedad sa Brooklyn

Ginsugdan Na sang mga Saksi ang Ginahulat nga Pagbaligya sang Ila mga Propiedad sa Brooklyn

NEW YORK—Ginabaligya sang mga Saksi ni Jehova ang pila sa pinakaali kag ginaagawan nga mga propiedad sa Dumbo kag Brooklyn Heights sa Brooklyn, New York. Ginsugdan na ang bidding para sa 85 Jay Street, nga isa sa pinakadaku nga site sa Brooklyn nga wala pa ma-develop, kag ang napulo ka panalgan nga residence sa 124 Columbia Heights. Ginabaligya man ang ginahamtangan subong sang ila world headquarters sa 25/30 Columbia Heights. Ining tatlo ka propiedad ginabaligya sang Watchtower Real Estate Office kag ginapaabot nga sarisari nga grupo ang magatransaksion kag magabakal sini.

Si Richard Devine, nga spokesman sang mga Saksi ni Jehova, nagsiling parte sa 12,542 metros kuadrados nga lote sa 85 Jay Street: “Ini nga site isa ka block kag nahamtang sa masako kag nagauswag nga komunidad sang Dumbo kag may halos 1,000,000 pies kuadrados sang development rights.

Ang 85 Jay Street nga propiedad malapit lang sa Manhattan Bridge sa masako nga komunidad sang Dumbo.

Ang 14,121 metros kuadrados nga residential building sang mga Saksi ni Jehova sa 124 Columbia Heights nahamtang sa atubang sang bantog nga promenade sa Brooklyn Heights Historic District. “Matahom ini nga bilding, kag kitaon diri ang Brooklyn Bridge, ang Statue of Liberty, kag ang skyline sang Lower Manhattan,” siling ni Mr. Devine.

Ang 124 Columbia Heights nahamtang sa kilala nga komunidad sang Brooklyn Heights.

Ang world headquarters sang mga Saksi ni Jehova ara sa 25/30 Columbia Heights (piktyur sa ibabaw) sa sulod sang malawig nga tinuig kag kilala gid ini sang mga taga-New York bangod sa Watchtower nga sign kag relo sa ibabaw sang bilding sini. Ini nga propiedad, nga 68,098 metros kuadrados, nagalapad sing halos duha ka block kag kitaon gid diri ang Brooklyn Bridge.

Parte sa mas dalagku nga plano sang mga Saksi, si Mr. Devine nagsiling pa gid, “Ini nga pagbaligya amo ang masunod nga hilimuon sa pagsaylo sang amon headquarters sa Warwick, New York.”

Para sa dugang nga impormasyon sa sini nga mga propiedad, palihug kadtui ang website nga www.watchtowerbrooklynrealestate.com. Puede man mapangabay ang mga interbyu kag mga piktyur sa Office of Public Information.

Media Contact:

David A. Semonian, Office of Public Information, tel. +1 718 560 5000