Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

OKTUBRE 14, 2015
RUSSIA

Ginpamatukan sang mga Eksperto ang Pagdumili sang Russia sa JW.ORG

Ginpamatukan sang mga Eksperto ang Pagdumili sang Russia sa JW.ORG

ST. PETERSBURG, Russia—Sang Hulyo 21, 2015, gindumilian sang Russian Federation ang jw.org, ang opisyal nga website sang mga Saksi ni Jehova, gani isa na ka krimen ang pagpakilala sini sa sulod sang pungsod. Sa bilog nga kalibutan, ang Russia lamang ang nagdumili sa jw.org.

Si Yekaterina Elbakyan, nga isa ka eksperto sa pagtuon parte sa relihion kag propesor sang Academy of Labor and Social Relations sa Moscow, nagsiling parte sa jw.org: “Sa banta ko, ang website importante kay halin mismo sa mga Saksi ni Jehova ang mga impormasyon sini parte sa ila organisasyon kag indi halin sa iban. . . . Indi lamang ang ila mga miembro ang interesado sa website, kundi ang mga interesado man sa sarisari nga relihion. Kag ginahambal ko ini indi lamang para sa propesyonal nga mga nagatuon parte sa relihion pareho sa akon kundi sa mga dyurnalista man kag mga manunulat parte sa relihion.”

“Sa banta ko, ang website importante kay halin mismo sa mga Saksi ni Jehova ang mga impormasyon sini”—Yekaterina Elbakyan, Propesor sa Academy of Labor and Social Relations sa Moscow

Si Lev Levinson, nga isa ka eksperto sa kasuguan sa Human Rights Institute sa Moscow, nagsiling parte sa sining ginhimo sang gobierno: “Sang ika-21 nga siglo, ang konstitusyon sang Russia nagagarantiya sing kahilwayan sa relihion kag pag-alalangay sang relihioso nga mga asosasyon suno sa kasuguan. Pero, pareho sang ika-19 nga siglo, gindumilian liwat sang Russia ang kahilwayan sang isa sa pagsugid sang iya pagpati paagi sa pagkompiskar sang mga literatura kag pagdumili sang mga website. Kag tanan ini ginhimo sang mga hukom kag mga eksperto nga nagapatuman sing indi makatarunganon nga mga kasuguan kag ipagua nga pagpamatok ini sa extremism.”

Ini nga pagdumili amo ang pinakaulihi nga hitabo parte sining legal nga pagpakigbato nga nagsugod pa sang 2013. Sang Agosto 7 sina nga tuig, ang website gindeklarar nga “ekstremista” sang isa ka district court sa Russia sa tion sang sekreto nga pagbista, pero ina nga desisyon ginbaliskad sang regional court sang Enero 22, 2014. Pero, ang Deputy Prosecutor General sang Russian Federation nag-apelar sa Supreme Court of the Russian Federation nga ibalik ang desisyon sang trial court. Sang Disiembre 2, 2014, ginbista sang Korte Suprema ang apelar sang piskal nga wala ang mga Saksi para depensahan ang ila bahin, kay wala sila ginpahibalo sa eksakto nga paagi. Ginbalik sang Korte Suprema ang desisyon sang trial court, nga nagadeklarar sa bilog nga website nga “ekstremista” bisan pa ginkompirmar sang korte nga wala na sa website ang relihioso nga mga materyal nga gindumilian sang mga awtoridad sang Russia. Ginkuwestyon sang mga Saksi ang desisyon kag nag-apelar sila sa tsirman sang Korte Suprema, pero wala ini nagmadinalag-on. Bangod sini nga desisyon, sang Hulyo 21, 2015, gindugang sang Ministry of Justice of the Russian Federation ang website sa Federal List of Extremist Materials, nga nagadumili sang website sa bilog nga Russia.

Si Yaroslav Sivulskiy, nga humalambal sang mga Saksi ni Jehova sa Russia, nagsiling parte sa epekto sang pagdumili: “Nasubuan kami sa sining indi makatarunganon nga ginhimo sang mga awtoridad sang Russia. Ginlimitehan sini ang pagsimba sang sobra 170,000 ka Saksi ni Jehova sa sini nga pungsod. Pero kon hunahunaon mo ang 285,000 ka tawo sa Russia nga nagabukas sang website kada adlaw, maathag nga bisan ang mga indi miembro sang amon pagtuluuhan gindingutan sang maayo gid nga kuluhaan sang materyal para sa pagtuon sa Biblia.”

Si J. R. Brown sang ulong talatapan sang mga Saksi sa Brooklyn, New York kag humalambal sang mga Saksi ni Jehova sa bilog nga kalibutan, nagsiling: “Makita sa amon opisyal nga website nga jw.org ang award-winning nga mga video, publikasyon para sa pagtuon sang Biblia sa ginatos ka lenguahe, kag ang duha ka pinakalapnag nga magasin nga ginapanagtag sa bilog nga kalibutan, ang Lalantawan kag Magmata! Ginpakita ini sa pila ka pinakadaku nga mga book fair sa kalibutan kag ang kalabanan sini gingamit pa gani sa mga eskwelahan. Madamo sa mga komunidad sa bilog nga kalibutan ang nakabenepisyo sa sini kag madamo gid ang nagabukas sini sa Russia. Dapat gid ipakilala ini nga website.”

Media Contact(s):

International: J. R. Brown, Office of Public Information, tel. +1 718 560 5000

Russia: Yaroslav Sivulskiy, tel. +7 812 702 2691