Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

PEBRERO 17, 2014
PHILIPPINES

Update: Ang mga Saksi ni Jehova Naghulag Para Buligan ang mga Biktima sang Super Typhoon Haiyan

Update: Ang mga Saksi ni Jehova Naghulag Para Buligan ang mga Biktima sang Super Typhoon Haiyan

MANILA, Pilipinas—Pagkatapos sang grabe gid nga kagulub-an nga resulta sang Super Typhoon Haiyan (Yolanda), ang mga Saksi ni Jehova nag-organisar sing bulig para sa mga biktima sang bagyo sa Pilipinas.

Ang sanga talatapan sang mga Saksi ni Jehova sa Manila nag-organisar sang lima ka disaster relief committee para mapadasig ang pagbulig sa mga biktima. Sobra 190 ka tonelada nga suplay ang ginpadala sa sentral nga bahin sang Pilipinas. May mga Saksi halin sa indi magkubos sa napulo ka pungsod nga nagboluntaryo. Nagbulig sila sa pagpatindog kag pagkay-o sang sobra 2,000 ka balay ukon naghatag sing medikal nga bulig.

Mga 225 pa ang ara sa mga tolda nga ginpatindog sang mga Saksi sa relocation site malapit sa Calbayog City, Samar. Ginabulubanta nga mga 15 asta 20 porsiento sang mga nagpaamulya didto ang indi mga Saksi.

Pagkatapos sining isa sa pinakamabaskog nga bagyo nga naglaslas, naglab-ot sa 6,201 ang napatay kag 1,785 ang wala pa makita. Mga 28,000 ang nasamaran kag sobra 1 ka milyon ka balay ang naguba. Ginkompirmar sang sanga talatapan sang mga Saksi ni Jehova sa Pilipinas sa Manila nga 33 ka Saksi ang napatay kag 10 ang wala pa makita kag ginapatihan nga patay na.

Ginbisitahan ni Mark Sanderson, miembro sang Nagadumala nga Hubon sang mga Saksi ni Jehova, ang mga biktima sang bagyo.

Sa sulod sang pito ka adlaw, sugod sang Disiembre 7, 2013, si Mark Sanderson, miembro sang Nagadumala nga Hubon sang mga Saksi ni Jehova, nagbisita sa lima ka probinsia nga apektado sang bagyo. Nagsiling sia: “Ang trahedya nga gindala sang Typhoon Haiyan mabatyagan gihapon sang madamo sa Pilipinas; pero handa kami nga padayunon ang paghatag sang kinahanglanon nga mga suplay, boluntaryo, kag lugpay para mabuligan ang mga biktima nga makabangon liwat.”

Media Contact(s):

International: J. R. Brown, Office of Public Information, tel. +1 718 560 5000

Philippines: Dean Jacek, tel. +63 2 411 6090