Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

ENERO 21, 2015
PHILIPPINES

Isa ka Tuig Pagkatapos sang Typhoon Haiyan, Nagsaylo Na ang mga Biktima sa Ila Bag-o nga mga Balay

Isa ka Tuig Pagkatapos sang Typhoon Haiyan, Nagsaylo Na ang mga Biktima sa Ila Bag-o nga mga Balay

MANILA, Pilipinas—Pagkatapos sang Super Typhoon Haiyan (Yolanda), ginsugdan sang mga Saksi ni Jehova ang masangkad nga proyekto sang pagpanukod nga indi maglab-ot sa isa ka tuig, para kay-uhon ukon tukuron ang halos 750 ka balay.

Sa aberids, ang isa ka team nga may lima ka miembro makatukod sang isa ka balay sa sulod sang lima ka adlaw.

Si Dean Jacek, nga spokesman sang mga Saksi ni Jehova sa Pilipinas, nagsiling: “Dapat sa Septiembre 2014, matapos na namon ang pagpanukod. Ginsugdan ini sang una nga bahin sang tuig kag, sa bulig sang madamo gid nga boluntaryo, nakompleto ang pagpanukod antes matapos ang Agosto.”

Ang lokal kag internasyonal nga mga boluntaryo nga nagabulig sa pagpatindog.

Gingamit sang Nagadumala nga Hubon sang mga Saksi ni Jehova ang donasyon nga ginpadala sang iban nga Saksi halin sa bilog nga kalibutan para gastuhan ini nga proyekto. Ang sanga talatapan sang mga Saksi sa Manila naghimo sang relief committee nga mag-organisar sang pagpanukod para sa apektado nga mga lugar. Nalakip sa sini ang pagkay-o ukon pagpatindog liwat sang 167 ka balay sa Tacloban City, 256 ka balay sa Ormoc City, 101 ka balay sa Cebu City, kag 218 ka balay sa Roxas City. Sa mga nagboluntaryo, 522 ang Saksi halin sa Pilipinas kag 90 ka Saksi ang halin sa iban nga pungsod.

Si Rep. Ferdinand Martin G. Romualdez, Una nga Distrito sang Leyte.

Ang congressman sang Una nga Distrito sang Leyte nga si Ferdinand Martin G. Romualdez, nagsiling: “Ang mga Saksi ni Jehova amo ang isa sa una nga mga grupo nga indi iya sang gobierno nga nagmatumato sa pagpanukod liwat sang mga balay. . . . Kulang ang mga tinaga para ipabutyag ang apresasyon kag pagpasalamat sang akon pamilya kag sang amon mga pumuluyo.”

Media Contact(s):

International: J. R. Brown, Office of Public Information, tel. +1 718 560 5000

Philippines: Dean Jacek, tel. +63 2 411 6090