“Pribilehiyo Ko Gid nga Makaupod si Jehova”

I-PLAY

Sang Nobiembre 26, 2025, nagdesisyon ang Savelovskiy District Court of Moscow nga guilty si Sister Mariya Pankova, kag ginmultahan sia sing 500,000 rubles ($6,370 U.S.).

Impormasyon Parte sa Iya

Mariya Pankova

Natawo: 1974 (Moscow)

Nabawtismuhan: 2005

Biograpiya: Nag-obra bilang accountant. Ginpamana niya si Sergey sang 2004. May isa sila ka bata nga lalaki. Ginpriso si Sergey bangod sa iya pagtuo

Gin-akusaran sang: Pagpartisipar sa mga miting sang mga Saksi ni Jehova

Sentensia: Ginmultahan sing 500,000 rubles ($6,370 U.S.)

Ang Iya Ginsiling

Paano ka nakapabilin nga malipayon bisan pa ginahingabot ka?

Indi ako makapati nga sa aton tion subong, kabigon ang isa nga daw kriminal bangod lang sa iya pagtuo sa Dios. Pero, kabalo ako nga katumanan ini sang ginsiling ni Jesus sa Mateo 10:17, 18: “Dalhon nila kamo sa mga hukmanan . . . Kag dalhon kamo sa atubangan sang mga gobernador kag mga hari tungod sa akon, agod makapanaksi kamo sa ila kag sa mga pungsod tuhoy sa akon.” Nalipay ako nga nagakatuman ini nga tagna, pero mas nalipay ako kay bahin ako sang katumanan sini. Pribilehiyo ko gid nga makaupod si Jehova samtang ginaatubang ko ini nga kabudlayan. Ang pagpamensar sini nakabulig sa akon nga mangin malipayon.

Nalipay gid kita nga ginaamligan kita ni Jehova bangod palangga niya kita. Nagabulig ini sa aton nga masarangan ang aton mga kabudlayan.—Salmo 91:14.

Tan-awa Man

BALITA SA BILOG NGA KALIBUTAN

Mga Lugar Kon Diin May mga Saksi ni Jehova nga Ara sa Prisuhan Bangod sa Ila Pagtuo

Sa mga lugar kon diin may mga Saksi ni Jehova nga ara sa prisuhan, nakaeksperiensia ang mga Saksi sang tama ka budlay nga sitwasyon kay nagahimo sila sang hilikuton sang ila relihion kag sang panguna nga kinamatarong sang tawo.

NEWS RELEASE