“Nagasalig Ako nga Atipanon Gid Ako ni Jehova”

I-PLAY

Sang Hulyo 4, 2025, nagdesisyon ang Vyselkovskiy District Court of the Krasnodar Territory nga guilty si Sister Irina Ushakova kag ginsentensiahan sia sang duha ka tuig nga suspended prison. Indi niya kinahanglan nga mapriso sa sini nga tion.

Impormasyon Parte sa Iya

Irina Ushakova

Natawo: 1974 (Tajikistan)

Nabawtismuhan: 2004

Biograpiya: Ginpamana niya si Vitaliy sang 2006. May duha sila ka bata nga lalaki. Na-diagnose si Irina nga may kanser sang 2021. Gina-hearing man si Vitaliy sa lain nga kaso

Gin-akusaran sang: Pagpartisipar sa mga miting sang mga Saksi ni Jehova

Sentensia: Duha ka tuig nga suspended prison

Ang Iya Ginsiling

Ano ang nakabulig sa imo ilabi na sa sining mabudlay nga tion?

Wala madugay pagkatapos ako gin-operahan, gin-aresto kag ginpriso si Vitaliy sa detention center. Indi ako makaobra kag pamatyag ko indi ako makapamensar sing maayo. Sa tuod lang, wala ’ko kabalo kon paano ko masarangan ang akon mabudlay nga sitwasyon. Kon na-stress gid ako, nakabulig ang akon espirituwal nga rutina para padayon ako nga mangin suod kay Jehova. Adlaw-adlaw ko nga ginabasa ang Biblia kag nagapangamuyo kay Jehova. Narealisar ko nga puede ako mangin kalmado bisan pa madamo ako sang ginaatubang nga problema. Kay kabalo ako nga indi ko kinahanglan nga mabalaka sing sobra bangod nagasalig ako nga atipanon gid ako ni Jehova.

Nagapasalamat gid kita nga sa bulig ni Jehova, masarangan naton ang bisan ano man nga kabudlayan.—Efeso 3:16.

Manamian Ka Man Sini

BALITA SA BILOG NGA KALIBUTAN

Mga Lugar Kon Diin May mga Saksi ni Jehova nga Ara sa Prisuhan Bangod sa Ila Pagtuo

Sa mga lugar kon diin may mga Saksi ni Jehova nga ara sa prisuhan, nakaeksperiensia ang mga Saksi sang tama ka budlay nga sitwasyon kay nagahimo sila sang hilikuton sang ila relihion kag sang panguna nga kinamatarong sang tawo.