“Indi Man Gid Gali Ini Makahaladlok”

I-PLAY

Sang Disiembre 12, 2025, ginsentensiahan sang Savyolovskiy District Court of Moscow nga guilty si Sister Nadezhda Lebed kag ginmultahan sia sing 500,000 rubles ($6,360 U.S.).

Impormasyon Parte sa Iya

Nadezhda Lebed

Natawo: 1950 (Dubkino, Ryazan Region)

Nabawtismuhan: 1998

Biograpiya: Nag-obra bilang design technician sang isa ka aircraft manufacturer. Ginpamana niya si Sergey sang 1983. May duha sila ka bata nga babayi

Gin-akusaran sang: Pagpartisipar sa mga miting sang mga Saksi ni Jehova

Sentensia: Ginmultahan sing 500,000 rubles ($6,360 U.S.)

Ang Iya Ginsiling

Ano ang nakabulig sa imo nga mangin maisog bisan pa nagakabalaka ka?

Sang una, kon pamensaron ko nga hingabuton ako, nahadlok gid ako. Subong, narealisar ko nga indi man gid gali ini makahaladlok. Nagakabalaka man ako kon kaisa, pero wala ako nahadlok bisan pa maatubang ako sa korte. Kabalo ako nga kaupod ko si Jehova. Ginapamensar ko ang ginasiling sang Salmo 46:1, 2: “Ang Dios aton dalangpan kag kusog, handa gid sia nga magbulig sa tion sang kalisdanan. Amo kon ngaa indi kita dapat mahadlok.” Nagapasalamat man ako kay ginabuligan ako sang akon mga kauturan sa kongregasyon, pati na sang akon bana. Bisan pa indi Saksi ni Jehova ang akon bana, ginasuportahan gid niya ako para makapabilin ako nga matutom kay Jehova. Sigurado ako nga bisan ano man ang matabo, padayon ako nga buligan ni Jehova nga Dios nga mangin maisog para makabatas ako.

Makapalig-on gid mahibaluan nga kon padayon kita nga magsalig nga hatagan kita ni Jehova sing kaisog, indi gid kita mahadlok.—Hulubaton 3:25, 26.

Manamian Ka Man Sini

BALITA SA BILOG NGA KALIBUTAN

Mga Lugar Kon Diin May mga Saksi ni Jehova nga Ara sa Prisuhan Bangod sa Ila Pagtuo

Sa mga lugar kon diin may mga Saksi ni Jehova nga ara sa prisuhan, nakaeksperiensia ang mga Saksi sang tama ka budlay nga sitwasyon kay nagahimo sila sang hilikuton sang ila relihion kag sang panguna nga kinamatarong sang tawo.

NEWS RELEASE