Sang Enero 16, 2026, ginpagua sa prisuhan sa Russia si Brother Aleksey Khabarov. Sa umpisa, nagdesisyon ang korte nga wala sia sing sala. Pero sang ulihi, ginpamatbatan sia nga guilty sang nag-apelar ang prosecutor. Gani sang Oktubre 20, 2023, ginsentensiahan sia sang duha ka tuig kag anom ka bulan nga pagkapriso. Bangod gin-isip ang tion nga napriso sia samtang ginahulat ang iya bista, natapos na niya ang iya sentensia.

Antes ginsentensiahan si Brother Aleksey, ginsugid niya ang teksto nga nakabulig gid sa iya. Nagsiling sia: “Nakabulig gid sa akon ang Roma 8:37 nga nagasiling: ‘Nadaug naton ini tanan nga butang paagi sa isa nga naghigugma sa aton.’ Napalig-on ako sini nga teksto nga indi gid mahadlok. Naeksperiensiahan ko gid ang gugma kag bulig ni Jehova sa akon. Nagalaum ako nga mapalig-on man ang iban sa akon halimbawa kag mangin suod pa gid sila kay Jehova. Isa gid ka pribilehiyo nga pas-anon ining ‘usok sang pag-antos’ nga may kalipay.”—Mateo 16:24.

Nagapasalamat gid kita nga nakaupod na liwat ni Brother Aleksey ang iya pamilya kag mga abyan. Makasigurado kita nga padayon naton nga mabaton ang gugma kag bulig ni Jehova bisan pa makaatubang kita sang mga kabudlayan.—Hulubaton 22:19.