Halin sang Nobiembre 21 asta 23, 2025, grabe ang pagbunok sang ulan bangod sa Bagyo Senyar. Gani madamo nga lugar sa northern kag western Sumatra, Indonesia ang ginbahaan. Nag-awas ang tubig sa Suba Parlampungan, gani nagbaha sa pila ka baryo sa Mandailing Natal Regency nga may kadalumon nga duha ka metro. Bangod sa baha, nagkalatiphag ang duta. Gani nalubong ang mga balay kag naguba ang mga taytay kag dalan. Madamo nga lugar ang wala gihapon sang kuryente ukon panguna nila nga kinahanglanon, kag naguba man ang linya sang telepono. Linibo ka pumuluyo ang nagbakwit. Suno sa report, mga 460 ka tawo ang wala pa makit-an kag 604 ang napatay.

Ang masunod nga impormasyon ginkuha sa pinakauna nga mga report halin sa mga kauturan didto.

Epekto sa Aton mga Kauturan

• Wala sang utod nga nasamaran ukon napatay

• 415 ka manugbantala ang nagbakwit

• 1 ka balay ang nawasak

• 3 ka balay ang may gamay nga guba

• 2 ka Kingdom Hall ang may gamay nga guba

Pagbulig

• Ang mga miembro sang Branch Committee, mga manugtatap sang sirkito, kag mga gulang, nagahatag sang paumpaw halin sa Biblia kag sang praktikal nga bulig sa mga kauturan nga naapektuhan

• May gin-asayn nga tatlo ka Disaster Relief Committee para magdumala sang pagbulig

Nasubuan gid kita nga madamo nga tawo ang napatay kag madamo nga balay ang nagkalaguba bangod sa baha sa Indonesia. Sa sining mabudlay nga tion, makasalig gid kita nga si Jehova ‘magabulig kag magaluwas’ sa aton mga kauturan sa Sumatra.—Salmo 70:5.