Skip to content

Skip to table of contents

Abatemwe ba Yehova

Select language Ekihavu

 ESOMO 7

Obwami Bwa Mungu Cili Cici?

Obwami Bwa Mungu Cili Cici?

1. Obwami bwa Mungu Cili Cici?

Bici birhuma Yesu aba Mwami Okwanene?​—MARKO 1:40-42.

Obwami bwa Mungu buli burhegesi buli embingu.Obo burhegesi bwakulaho oburhegesi bw’abantu buli hano oku igulu bunarhume obulonza bwa Mungu bwakoleka embingu n’oku igulu.Ogo guli mwazi mwinja kweri. Enyorha y’okuba n’oburhegesi bwinja yayuguswa oku bantu boshi. Bwarhuma abantu boshi bali oku igulu balama omu bugumaguma.​—Soma Danieli 2:44; Matayo 6:9, 10; 24:14.

Obwami bukwanene bujire Omwami. Yehova acishogere omwana wage Yesu Kristo y’aba mwami w’Obwami bwage.​—Soma Ufunuo 11:15.

2. Bici birhuma Yesu aba mwami okwanene?

Yesu ye mwami okwanene bula ali mwinja tena asima bwenene ebintu by’okuli. (Matayo 11:28-30) Kandi agwerhe emisi ekwanene y’okugwasa abantu bulala nj’arhegeka egulu eli ayikere oku gicumbi c’Obwami embingu. Acimalifulwa, Yesu azamukire embingu ayikala ebulyo bwa Mungu alinga kuhabwa Obwami. (Waebrania 10:12, 13) Yehova ajire amuha obushobozi y’arhangira gurhegeka.​—Soma Danieli 7:13, 14.

3. Bande nji Barhegeka haguma na Yesu?

Ecigusho c’abantu bayirikwa “batakatifu” bahamagerwe kurhegeka haguma na Yesu embingu (Danieli 7:27) Entumwa za Yesu ze zabere batakatifu barhanzi bacishogerwe. Yehova agenderere kucishoga abandi balume n’abakazi nabo bayirikwa batakatifu kuhika buno. Kuguma na Yesu, abo batakatifu bafuka omu mubiri g’obumuka.​—Soma Yohana 14:1-3; 1 Wakorinto 15:42-44.

 Bantu banga nji baja embingu? Yesu abayirikire “cigusho cigeke.” (Luka 12:32) Bali bantu 144.000. Nji barhegeka egulu haguma na Yesu.​—Soma Ufunuo 14:1.

4. Bici byabere amango Yesu arhangira gurhegeka?

Obwami bwa Mungu bwarhangiraga kurhegeka omu mwaka gwa 1914. * Acimala kuba mwami, Yesu akabulire Shetani n’amashitani mage oku igulu. Shetani akalihire bwenene ava arhangira kulerha amabi oku igulu lyoshi. (Ufunuo 12:7-10, 12) Kurhenga ago mango, amateso m’abantu mayushuka bwenene omu igulu. Entambala, enzara, endwala n’emisisi y’egulu bili byagereka zene cili “cimenyeso” oku hofi hano Obwami bwa Mungu bwarhegeka igulu.​—Soma Luka 21:7, 10, 11, 31.

5. Bici Obwami bwa Mungu buli bwakola zene?

Kugerera oku kasi k’okuhubiri, Obwami bwa Mungu buli bwaheba abantu banene haguma kurhenga omu igulu lyoshi. Ama miliyoni m’abantu bacicisa bufi bali bakulikira Yesu. Obwami bwa Mungu nji bwabalanga amango bwalimbula eli gulu libi. Ebi biderhere oku boshi balonzeze kubona emigisho y’Obwami bwa Mungu bakwanene kurhangira kuyunvira Yesu zene.​—Soma Ufunuo 7:9, 14, 16, 17.

Omu myaka gihumbi, Obwami bwa Mungu bwakola obulonza Mungu aligwere amango alemaga abantu. Egulu lyoshi lyahindulwa Paradizo. Oku mwisho, Yesu njashubiza eshe Obwami. (1 Wakorinto 15:24-26) Hali omuntu oyinji siwakabwira oku biyerekere Obwami bwa Mungu?​—Soma Zaburi 37:10, 11, 29.

 

^ epar. 6 Ankaba walonza kumenya binene gurhe obulebi bwaderhaga omwaka gwa 1914, lola epage 217-220 y’ecitabu Biblia Inatufundisha Nini?