Skip to content

Skip to table of contents

Abatemwe ba Yehova

Select language Ekihavu

 ESOMO 11

Okw’amarhegeko g’Ebiblia Garhujirira Akamaro

Okw’amarhegeko g’Ebiblia Garhujirira Akamaro

1. Bici birhuma rhwakenera amarhegeko?

Okw’amarhegeko m’Ebiblia marhuma rhwalonza oku rhwakacilanga​—ZABURI 36:9.

Omulemi werhu ayinji obwenge kurhulusha. Anarhuhangayikira nka muzere werhu. Arhalonzeze mpu rhulame buzira amarhegeko mage. (Yeremiya 10:23) Kuguma n’omwana mudorho okenere eshe amuyereke enjira, rhweshi rhukenere amarhegeko ma Mungu. (Isaya 48:17, 18) Empanulo z’Ebiblia eli kado erhengere emwa Mungu enarhugwasa.​—Soma 2 Timoteyo 3:16.

Amarhegeko ma Yehova marhuyereka oku rhwakalama bwinja zene n’okurhuyereka oku rhwakabona akalamo k’esiku zoshi omu siku zayinja. Rhukwanene kusima Mungu kw’ama marhegeko kwabulala yi warhulemaga.​—Soma Zaburi 19:7, 11; Ufunuo 4:11.

2. Gurhe omwazi gwa Mungu gurhuyobola?

Okuli k’oburhanzi kuguma na kuguma kw’Ebiblia kurhuyereka ebi rhukwanene kukola omu bintu birhali biguma. Amandi marhegeko mowe maderha oku cintu ciguma. (Kumbukumbu 22:8) Rhukwanene kukolesa obuhashe bwerhu bw’okuyunva yirhumenya ec’Ebiblia elonzeze rhukole. (Methali 2:10-12) Omufano Ebiblia ederhere okw’akalamo eli kado erhengere emwa Mungu. Kumenya ebi birhugwasa kulanga akalamo kerhu n’akabandi oku kasi, ahambuga n’amango hali aharhwaja. Birhugwasa kumenya ebi rhwakakola omu kucilanga.​—Soma Matendo 17:28.

3. Marhegeko mabiri mahe mali m’oburhanzi?

Yesu aderhere amarhegeko mabiri m’engenzi bwenene. Ely’oburhanzi lirhuyereka empanvu rhulamire: kumenya  Mungu, kumusima n’okumukolera. Eli rhegeko likwanene kurhuyobola ngasi mango rhukala rhwajira eci rhwakola. (Methali 3:6) Abakulikiza eli rhegeko bajirana obwira na Mungu, kubona omwishingo g’okuli n’okubona akalamo k’esiku zoshi.​—Soma Matayo 22:36-38.

Elindi rhegeko lirhuma rhwalama n’abandi omu murhula. (1 Wakorinto 13:4-7) Okukulikiza eli rhegeko kuba kuli kuyiganya Mungu okwanajirira abantu.​—Soma Matayo 7:12; 22:39, 40.

4. Okw’amarhegeko ma Mungu garhujirira akamaro

Amarhegeko g’Ebiblia gayigiriza emilala kulama bwinja omu buzigire. (Wakolosai 3:12-14) Omwazi gwa Mungu gulanga emilala gwayiyigiriza ok’obuhya bukwanene kulama esiku zoshi.​—Soma Mwanzo 2:24.

Okukulikiza amarhegeko m’Ebiblia birhulanga haguma nebi rhugwerhe. Omufano, abahana akasi basima abakozi bakulikiza amarhegeko m’Ebiblia, banakolesa okuli haguma n’emisi oku kasi. (Methali 10:4, 26; Waebrania 13:18) Omwazi gwa Mungu kandi gurhuyigiriza kucisimira ebi rhugwerhe n’okuheba obwira bwerhu haguma na Mungu embere y’ebintu by’omubiri.​—Soma Matayo 6:24, 25, 33; 1 Timoteyo 6:8-10.

Okukulikiza amarhegeko ga Mungu bilanga akalamo kerhu. (Methali 14:30; 22:24, 25) Okukenga amarhegeko ma Mungu malahize obulalu byakarhulanga obulwala n’obuhanya bw’omubarabara. (Methali 23:20) Yehova arhuyemerera kukolesa amavu aliko omu lugero (Zaburi 104:15; 1 Wakorinto 6:10) Eyi rhukenga amarhegeko ma Mungu rhuyunguka bwenene kwabulala marhuyigiriza kujira amawazo minja n’ebijirwa binja. (Zaburi 119:97-100) Empanvu abakirisu bakulikiza amarhegeko g’Ebiblia arhali yi bayunguka konyine. Bamakulikiza yi bakengesa Yehova.​—Soma Matayo 5:14-16.