Skip to content

Skip to table of contents

Abatemwe ba Yehova

Select language Ekihavu

 ESOMO 6

Hali Obulangalire Buhe Oku Bantu Bafire?

Hali Obulangalire Buhe Oku Bantu Bafire?

1. Bici omwazi mwinja guderha oku bantu bafire?

Amango Yesu ahikaga Ebetaniya hofi n’Eyerusalemu, ashimanire mwira wage Lazaro afire eli hamagera esiku ene. Yesu aja oku shinda haguma na Marita na Mariya bali babo Lazaro. Buzira kulegama hayinjire abantu banene. Oli wawaza gurhe Marita na Mariya basimire amango Yesu afula Lazaro?​—Soma Yohana 11:21-24, 38-44.

Marita aliyinji emyazi minja okubiyerekere abantu bafire. Aliyinji oku Yehova nj’afula abantu bafire yibashubilama hano oku igulu.​—Soma Ayubu 14:14, 15.

2. Ngahe abafire bali?

Mungu abwiraga Adamu: “Oli budaka kandi omu budaka mu nji washubira.”​—MWANZO 3:19.

Abantu balemerwe omu budaka. (Mwanzo 2:7; 3:19) Rhurhali bilemwa by’omuka biyambere omubiri. Rhuli bilemwa by’omubiri konyine, eyirhufa nta cintu cirhenga omu mubiri gwerhu n’okugenderera kukola akasi. Amango rhwamafa n’obonko bwanafa n’amawazo merhu manahwa namo. Cecirhumire amango Lazaro afuka arhaderhaga oku hali ecintu cilebe ali bwene bulala abafire nta cintu baba bayinji.​—Soma Zaburi 146:4; Mhubiri 9:5, 6, 10.

Bobuno si Mungu anababaza abafire akoleseze omuliro? Bulala Ebiblia enaderha oku abafire nta cintu bayinji. Enyigirizo y’okubabaza abantu omu muliro buli bubeshi burhuma  abantu babona Mungu kubi. Kubabaza abantu omu muliro lili wazo likozeze eshoni embere za Mungu.​—Soma Yeremiya 7:31.

3. Abantu bafire bakagaliderha n’abagumaguma?

Abantu bafire barhakagala kuganira n’okuyumva. (Zaburi 115:17) Aliko hali abamalayika babi banaganira n’abantu, banacishushanya n’abantu bafire. (2 Petro 2:4) Yehova arhubuza kuganira n’abantu bafire.​—Soma Kumbukumbu 18:10, 11.

4. Inde nji wafuka?

Ama miliyoni manene g’abantu bali omu ishinda nji bafulwa yibalama hano oku igulu. Abo halimo n’abarhali bayinji Mungu kandi banakolere ebintu bigayisize.​—Soma Luka 23:43; Matendo 24:15.

Aba nji bafulwa nji bahabwa akasanzi k’okuyiga ebiyerekere Mungu n’okucizera Yesu bamukenga. (Ufunuo 20:11-13) Abola nji bafulwa nji bakakola ebintu binja, bagenderera kucisimira akalamo k’esiku zoshi oku igulu.​—Soma Yohana 5:28, 29.

5. Kufuka bici birhuyigiriza oku ngeso za Yehova?

Mungu arhumire kufuka byagalikana amango arhuma omwana wage kurhucungula. Okufuka birhuyereka obuzigire bwa Yehova n’obonjo bwage arhali kwanene kurhujirira. Amango abafu bafuka, inde olonzeze nj’obone bwenene?​—Soma Yohana 3:16; Waroma 6:23.