Skip to content

Skip to table of contents

Abatemwe ba Yehova

Select language Ekihavu

 ESOMO 3

Kwakweri si Emyazi Minja Erhengere Emwa Mungu?

Kwakweri si Emyazi Minja Erhengere Emwa Mungu?

1. Inde Wayandikaga Ebiblia?

Ebiblia egwerhe omwazi mwinja guderhere oku abantu nji balama esiku zoshi oku igulu. (Zaburi 37:29) Ebiblia egwerhe ebitabu bigeke geke 66. Mungu akolesaga abantu hofi 40 yi bayandika ebyo bitabu. Ebitabu birhano by’oburhanzi byayandikwaga na Musa hamagera emyaka 3500. Ecitabu c’obuzinda cayandikwaga na Yohana hamagera emyaka egerere oku 1900. Abayandikaga Ebiblia myazi yande bayandikaga? Kugerera omuka gwage, Mungu akolesaga abo bantu kuyandika Ebiblia. (2 Samueli 23:2) Bayandikaga amawazo ma Mungu, arhali mabo. Obo sasa Yehova yi wayandikaga Ebiblia.​—Soma 2 Timoteyo 3:16; 2 Petro 1:20, 21.

2. Bici byakarhuma rhwayemera okw’Ebiblia eli y’okuli?

Rhuyinji oku Ebiblia yarhengaga emwa Mungu kwabulala erha rhebekana amango ederhere ebintu by’esiku zayinja. Nta muntu wakakola ebyo. (Yosuwa 23:14) Mungu ogala byoshi yiwakamenya embere n’okuderha buzira kucirhebeka ebi njibyahikira abantu omu siku zayinja.​—Soma Isaya 42:9; 46:10.

Ebyo birhuba rhulingirize oku citabu nk’eci carhengaga emwa Mungu. Ama miliyare manene m’ekopi z’Ebiblia mahanirwe omu ndimi zinene. Naciro Ebiblia cili citabu ca mira, ciderha emyazi y’okuli oku biyerekere esiyansi. Kandi ebi bala bantu 40 bayandikaga bibuganene. Ecindi kandi, Ebiblia cili cimenyeso c’obuzigire bwa Mungu kandi egwerhe emisi y’okuhindula akalamo k’abantu kanaba kenja. Ebi bimenyeso byoshi biyemeza ama miliyoni m’abantu okw’Ebiblia guli mwazi gwa Mungu.​—Soma 1 Watesalonike 2:13.

 3. Bici biyandikirwe omu Biblia?

Ebiblia enaderha bwenene omwazi mwinja guyerekene oku Mungu asimire kujirira abantu ebintu binja bwenene. Ebiblia ederha gurhe omuntu abulaga omugisho g’okulama omu paradizo na gurhe eparadizo nji yagaluka.​—Soma Ufunuo 21:4, 5.

Omwazi gwa Mungu kandi gulimo amarhegeko, esheria cangwa amahame n’empanulo. Ecindi kandi omu Biblia muba emyazi eyerekana ebi Mungu ajiriraga abantu tena eyo myazi erhugwasa kumenya engeso za Mungu. Cecirhumire, Ebiblia yakakugwasa kumenya Mungu. Enayerekana ebi wakajira y’oba mwira wa Mungu.​—Soma Zaburi 19:7, 11; Yakobo 2:23; 4:8.

4. Gurhe wakamenya ebili omu Biblia?

Aka katabu kakugwasa kumenya Ebiblia kakoleseze obulyo Yesu akolesaga naye. Agendaga ayerekeza oku misitari y’Ebiblia anaderha “ec’ebiyandikirwe biderhere.”​—Soma Luka 24:27, 45.

Omwazi mwinja gurhengere emwa Mungu gusimisa bwenene kulusha ebindi bintu byoshi. Aliko, bantu banene barhasimiswa n’ogo mwazi mwinja, abandi nabo banagayiswa bwenene n’okuyumva ogo mwazi mwinja gurhengere emwa Mungu. Woyo orhakwanene kushubira enyuma. Okubona akalamo k’esiku zoshi byarhenga oku kumenya Mungu kwawe.​—Soma Yohana 17:3.