Skip to content

Skip to table of contents

Abatemwe ba Yehova

Select language Ekihavu

 ESOMO 1

Emyazi Minja Biri Bici?

Emyazi Minja Biri Bici?

1. Myazi minja ehe erhengere emwa Mungu?

Mungu alonzeze abantu basime akalamo hano oku igulu. Bulala asima abantu, alemere egulu nebiliko byoshi. Hali echali hofi kukola y’abantu b’oku igulu lyoshi balama bwinja. Nj’abafumya amateso n’ebirhuma bababala byoshi.​—Soma Yeremiya 29:11.

Nta burhegesi bwagalire kukulaho, amateso, endwala n’olufu. Aliko hali omwazi mwinja. Hano hofi, Mungu akulaho oburhegesi bw’abantu ahebeho obwage. Abalama mw’obo Bwami babona omurhula n’akalamo kenja.​—Soma Isaya 25:8; 33:24; Danieli 2:44.

2. Bici birhumire emyazi minja yakenerwa jubajuba?

Okubabala byahwa amango Mungu akulaho abantu babi balamire oku igulu. (Zefania 2:3) Mangoci ebyo byaba? Omwazi gwa Mungu gwali gwaderhere ebintu bibi biri byagereka zene. Ebintu bibi biri byagereka zene biyerekene ok’Obwami bwa Mungu buli hofi kujira eci bwakola.​—Soma 2 Timoteyo 3:1-5.

3. Bici rhukwanene kukola?

Rhukwanene kuyiga ebiyerekere Mungu rhukoleseze Ebiblia. Eli nka maruba Darha orhusima arhulikire. Enarhubwira gurhe rhwakalama bwinja zene na gurhe rhwakasima akalamo k’esiku zoshi oku igulu omu siku zayinja. Hali banene barhasima kumenya oku bali bakugwasa kuyunva Ebiblia. Aliko Mungu arhulaganyize esiku zayinja zikwirire, rhurhakwanene kuyemera hajira omuntu warhubuza kubona eyo migisho.​—Soma Methali 29:25; Ufunuo 14:6, 7.